被欠薪 點算好(T ^ T)

幫幫我吖 唔該(T ^ T)我7月頭揾到份工part time來 係旺角精品店 私人鋪頭來 冇約簽 老闆亦冇話辭職幾日通知 做到第5日 佢突然話佢要飛去唔知泰國搞d貨定咩 開頭叫我二十幾號返工 後來又話到時打比我 我一心等佢打電話比我先返工（都有d覺得搞笑 如果請我果陣話定月中冇得返 我都唔會做 繼續做我之前份 因為暑假想返多d 返學就唔可以返咁多 覺得好似任人擺佈比人呃･_･;） 果幾日好無聊 好似比人拖著咁 又唔可以揾其他工 跟著我等到二十幾號都冇電話 加上我都唔想做果份 就冇理佢 直至今個月18號 出糧日都過埋 我突然記得未出糧 就send信息比其中一個老闆問下 同埋講聲辭職 點知佢話已經叫我二十幾號返工 話果日見唔到我已經打了2次比我 可能我聽唔到 但我又冇check miss call 但明明佢話打比我先返工 講到我曠工咁 佢叫我揾另外一個老闆 佢負責出糧 我send信息比另外一個老闆問幾時可以拎糧 佢冇覆我 我剛剛又send多次 都冇覆 請問我可以點 直接告佢？ 但聽講要做夠7日先有糧出 又話辭職要幾日前通知