唔知學咩樂器好~

其實以上咁多樂器都好有得發揮,既然你都list左出黎,咁我諗你對佢地都係有興趣嘅,咁就應該跟自己心意揀:)

都係揀唔落嘅,我可以就你列出嘅樂器比d意見你,希望有用(:


1.琵琶

琵琶係一種好優雅嘅中樂器，我本身冇點接觸過，不過我諗佢嘅原理同弦樂器差唔多，都係靠手指嘅準確擺位等等決定水準。學琵琶絕對有助嘅係個人氣質嘅培養，其實好易理解，因為琵琶一般都被認為係非常雅致嘅樂器。如果想培養嫻雅氣質，琵琶合適不過。加上你話想學中樂，咁可以試下琵琶，畢竟中樂比較少人學，學琵琶唔怕唔突出。彈錯唔緊要，你冇學過嘛:)呢d野係要時間學嘅。不過如果你試過之後真係發現自己零天分，咁都係唔好徙時間會好d。


2.大提琴

弦樂器其實不嬲都難學d，唔係講笑，我有好多學弦樂嘅朋友都係咁講。難，就難在於太多唔同手指位要記，少少歪，都會走音，好難拉得好，除非你真係好有恆心。大提琴始終少人學，不過話特別都比唔上低音大提琴，以初學者黎講好難玩得比其他同時間開始嘅人出色。不過一隊樂隊唔少得大提琴，而且大提琴音域廣，肯努力就好大發揮空間啦。一個音樂會都不時有cello concerto，大提琴好聽上黎呢，聽出耳油的。


3.大號

我本人就係玩大號嘅！如果你真係有天份，我真係會好建議你學。咁多樂器入面，大號真係少之又少。你學得大號唔愁冇樂團要你，同埋講真要上手唔難。一開始運氣方面可能有困難，因為大號需要大量呼氣。不過久而久之，你會發現你吸氣量會大左好多，之後發聲、拍子方面就唔難掌握了。如果老師話你係天才，請唔好放棄機會...大號真係好缺人（我學校得我一支-.-）唔好以為佢唔重要，樂團往往就係靠大號做base承托，令首歌有重心。同埋大號同中音號、長號係鐵三角，發聲方法似到足，識一樣，稍微練練同學左另外兩樣嘅手指位同把位就識晒三種樂器...話都冇咁易XD大號通常吹長音易過其他樂器好多，唔洗話要吹好多連音變音etc，變相易吹。而且有人話過Brass players are the true musicians，因為我地唔係靠弦線或者敲其他野發聲，而係用自己嘅氣，用自同個樂器共鳴:)


4.中音號

中音號同大號其實原理一樣，又係好少人學，當然冇大號咁少啦！不過我都好鼓勵人學。銅管樂太少人學，尤其係低音樂器，冇新血！所以真係好鼓勵你要其中一樣XD同大號唔同在中音號要氣少d，音（個key）高d，有時要吹下主旋律，同埋手指位有少少唔同。仲有，輕d XD


5.長笛

我都好同意長笛音色好好聽。不過真係要吹得咁好都係要落苦功，不過所有樂器都係架啦！仲有，學長笛有樣野一定係注意：要唇薄。長笛老師話過唇薄嘅人吹長笛比較易控制氣量。如果你唇厚...唔係唔得嘅，唔建議囉。長笛都係吹主旋律多，手指要郁得好快，如果你都係偏向手指唔太協調就唔好試了。長笛又係好多人揀嘅樂器，要出色比較難，不過學你話齋啦，好聽丫嘛。





希望幫到你，有野再問我啦:)

多年教授結他經驗, 彈性上課時間, 並設有試堂, 耐心教導 , 曾於各大琴行, 社區中心, 上門, 大專院校任教 , 每堂均有Notes, 並會跟進學員進度, 因材施教！

個別教授
$650 / 4堂（每堂 1 小時）
$600 / 4堂（每堂 45 分鐘）
$550/ 4堂 （每堂 30 分鐘）
小組或二人教授
$800 /4 (每堂1小時)

對音樂課程有興趣者請致電本人
電話: 98120445 (王sir )
MSN : [email protected]
E-mail : [email protected]

你講果D都好係古典既樂器- -
學咩樂都係會煩架啦
最緊要睇你對咩樂器有興趣姐~
其實依家好多人都會學吉他
吉他有分古典同流行
你想認真學.有技巧D既就學古典.
真自彈自唱solo既就流行
不過古典難好多.但就好玩D
同埋吉他既話會多用處D
小號長笛果D冇咩地方可以比你發揮

以上只係我自己意見-