✔ 最佳答案
主要係年輕單身男女朋友之間好難會有純友誼,你地已經認識了年幾,當然大家好啱傾先會成為好朋友,兩個一齊玩一齊去街,有時搭車佢瞓落你膊頭,有時出街佢主動橋你隻手!
好勒,以上咁多野已經代表佢唔當你係好朋友咁簡單,即係佢已經對你有意思,希望大家可以從朋友關係進入拍拖的關係啦!
可惜你成日都想大家維持好朋友關係就萛,佢甚至於開口問你,話d朋友講你喜歡佢,但你居然唔認,但人地識男仔你又有d唔開心,咁你萛點先?
照咁睇佢係喜歡你多過佢男友,識男仔只係想激起你的競爭心,可惜你真正係牛皮燈籠點極都唔明,居然覺得人地當你水魚添!
大佬呀,女仔青春有限,如果你唔中意人就唔好阻住人地識其他男仔啦,我認為佢仍舊希望你中意佢,否則何必講希望大家好似以前咁一齊玩一齊出街吖?
應該點做就問你自己咯,喜歡人地就講清楚,話你唔想佢識第二個男仔,因為你已經中意左佢,以後大家唔止做好朋友咁簡單呀!
如果你真係唔想同人地發展,覺得佢做朋友就幾好,做情人仍然唔係你的理想,咁就唔使再試人地啦,唔應該再約人收工單獨同你食飯啦,佢應承同你食飯就係仍然對你未死心啫!
你都識講做人唔好拖拖拉拉咯,如果你覺得佢唔係你的理想,就應該大家保持距離,唔好阻住好朋友拍拖,真心祝福佢搵到愛佢的男仔啦!