我做野慢...可以點改善...

我今年19歲,依家返緊某間便利店既part time..返左2個月到.
不過真係幾辛苦,我果間鋪明明ok大,但係個倉勁細,佢地返貨又要返好多...
個水房又細,又要落勁多貨返黎,因為我地間鋪人流多,成日做做下野就話要出黎睇埸,收錢.

真係好忙...但係佢地成日話我做野慢...
其實我都認我點貨係好慢..但係一返貨d野我已經即刻做..
我亦都有睇過人地點做然後跟佢地做...但係點都做唔到好似同佢地差唔多既速度...
而且唔知點解...近排我既表達能力差左好多...以前講野唔會口窒窒,依家講野愈黎愈口窒,連我自己想講d咩都開始唔識表達...我開始發覺自己有少少智障,我真係努力過..但係我真係做唔到同正常人一樣...

依家佢地日日都話我做野慢,我都唔知點算好..我唔介意比人鬧,因為我都比人鬧到冇感覺,只係好解決呢個問題到底點先可以跟到班舊同事,

會唔會有藥可以令自己做野快d或者醒目d?
有副作用都唔緊要.
如果我連便利店都做唔黎..我覺得我再搵多份工都冇用...
冇野做=冇錢..冇錢我真係可以準備去死...

唔該大家...仲有冇咩方法可以救到我.