對女朋友「太好」, 她說要冷靜一下, 我可以怎樣做?

女朋友和我都是二十出頭, 大家是從同學發展成情侶關係 (我們都是初戀), 一齊了2年半了, 現在她返工(工作時間都幾長, 星期六,日 有時都要OT, 她的壓力都幾大, 工作使她很累), 我還在 full time讀書.

我們的關係一直都不錯, 2年半以來 每晚也有傾電話. 縱使她現在返工, 我們每日都有 2-3 次電話, 話題多數是她返工的事, 也有情侶間的話兒, 也會說說假日到哪裡玩, 有時候少至吃了什麼零食也說 等等. 有時話題說完了, 但感覺也不太差. 2年半以來都沒怎樣吵過交, 可以說是0

女朋友是雙魚座, 也有著雙魚座的性格 (做事猶疑, 肯為身邊的人犧牲, 喜愛被保護, 比較在意別人對自己的看法, 坦率, 冇機心). 在我們一起的時間我都很(過份)保護她, 例子 1.她有工作的問題, 我會上網搵資料, 嘗試解答佢. 2. 她要出JOB, 我也看過地圖, 看附近的食市, 同佢一齊去, 一齊食飯 3. 我們一齊的時間, 大多數的行程計劃都是我想(不是我大男人), 可能令她冇機會發揮 4. 多數都係我同她去行街買衫, 有段時間我會上網替她看衫 5. 我平時較少說自己的事(因為返學很平淡), 多數的時間都是講她的事 .... .... 總括來說, 她生活上很多方面都佔了「我」.

昨日, 女朋友問我與她一齊是否很辛苦? 我說不是. 過了一會我說「但你平時好似唔係好關心我, 好鍾意我咁, 人地拍拖個女仔都會蹺下男朋友隻手, 訓下膊頭, 我講D 野你又唔記得.」我再說「如果你真係唔係咁鍾意我, 我地不如分開啦」我很後悔我當時這樣說. 我當時太衝動了.

之後, 我們到了公園傾.
她說「我地不如試下分開一段時間, 比我自己一個獨立下, 靜下, 睇下我會唔會掛住你, 等下你考完個試先(2星期後)... ... 可能E 排工作都好煩, 我唔想咁多野煩」她再說「我唔想覺得自己好似呃你咁, 浪費你既時間」她說自己一直都有這樣的想法, 只是沒有說...
但是我們都很捨不得對方... ... 我一直用自己以為很好的方法對她, 做了一些她覺得多餘的事(買一些太不太需要的東西)再加上她覺得自己好像沒有什麼付出, 最後令她覺得自己好冇價值, 內疚... .... , 可能一開始我就什麼都去滿足她, 沒有給她機會為我付出

我現在可以怎樣做? 是不是在這段時間都不要找她? 按她的意思, 待她冷靜完, 想清楚? 但其實我已忍不住打給她, 她也有聽電話, 她說最想我考好個試... ...


是不是感情淡了?
她是一個好女仔, 很節儉, 好肯幫人, 支持別人, 還肯與我SHARE 一個$12 頹飯的那種, 很純真, 不是貪威識食, 很好份守己.我不想放棄她!