我想學日文...幫幫我~15點 求求你啦 幫幫我~

我唔知屯門果邊有冇工聯會啦,,如果有的話,,你可以去,,但可以同你講知,,係曬錢的..

而我就搵過啦..以下有2間野可以介紹比你去學,,下面2間進度快,,但係你有一個心理準備就係呢2間野都係好遠O既地方(由屯門做起點的話)



1.早稻田日本語研修中心:
呢間野好似話同我接住落黎介紹果間學校學費好似差唔多,,而且師資都係差不多~~但因為我都唔係咁熟呢間野,,只係其他人話我知呢間野都係唔錯,,所以我先推薦比你..

以下係其中心O既網址:
http://www.waseda.com.hk/

地點:香港軒尼詩道375 - 379號利威商業大廈6樓
TEL:2838 3438


2.日經日本語學校:
因為我讀緊呢間野,,所以資料亦比較多~~
學費係每級都唔同O既,,而視乎你想報邊級~~(不過可以同你講,,至少一千以上一期(23個鐘一期,,有好多種上堂時期比你簡,,呢個就視乎你了)23個鐘計我逢星期一,三,,每堂個半粒咁計,,會上到8個星期(最尾2堂都係每堂一個鐘))
如果你係初學日文,,直接去果間野到同佢報名就得~~
如果你係想跳級,,就要係果到考一個試,,合格就可以跳級了~

讀日文O既制度:
大致分為N1-N5,,N5為最初級,,N1為最高級~(冇記錯要入東京大學的話,,好似要N1以上先入到-.-")

日經日本語學校分校的地址:

銅鑼灣分校地址:
香港銅鑼灣軒尼詩道467號建德豐商業大廈3樓(全層)
(銅鑼灣地鐵站C出口)
TEL:2397 7799

旺角分校地址:
九龍旺角"離"敦道608號總統商業大廈4樓401室
(旺角地鐵站E2出口)
TEL:2369 2379

學校網址:
http://www.nikkei.edu.hk/

而我就讀緊佐敦果間總校,,
你話近地鐵站的話,,呢間我覺得最近,,因為連地址都可以唔洗講你都一定搵到.

話明係佐敦總校當然係佐敦地鐵站落啦~之後就去B2出口,,一出轉左會見到OK同7仔,,再左邊D就會見到間野嫁啦~真係連地址都唔洗講的~~(冇記錯3間野係連埋的,,右邊係OK,,中間係7仔,,左邊就係學校~~)

比埋總校個TEL你吧:2770 0993

而我就本身住官塘,,每次去讀日文都要坐1粒鐘車程,,如果你真係有心去學,,我覺得就算間野唔係屯門果邊都好,,區區搭程車都應該唔會阻到你學日文果個心,,呢點就你自己諗喇~

希望幫到你啦~

よろしく　お願いします～～

重學日文都冇用啦，我100﹪同你講學左唔會有用只會浪費金錢！

姨.......
我又係慧祈度學哦~~
我都鐘意他地既小班教學同埋我覺得價錢又唔太貴,所以都學左成年lu~!!!

首先學日文係好事啊! 香港有太多地方學日文，比較出名既有 日經、東亞、工聯會等等，經常有班開。開班時間表同其他資料係網上面一找就有。初班一般係for你考四級，不過最好都係睇番你報既course既詳情，間間學校分級都可能有少少唔同。

對於係邊到學 or 點樣學有以上下建議:

身邊好多人都話工聯會師資好參差，所以唔建議去。要學語言，基礎真係好重要，最初既發音唔好，之後就好難改架啦。(不過好處就係價錢真係好平﹗如果你只係想玩玩下，搵d野黎讀下就無問題~要想學得好…就唔建議你報啦。)

至於出名既學校優勢在於分校多，地點選擇多，上課既班多，詳細資料係網上面一search就出晒，我就唔copy and paste啦(copy左都會過期)。不過個人認為有時 名校 好唔好真係見仁見智架﹗

因為學校大，架構大，制度比較死板，而且一班好多學生，都成二、三十人，無咩人情味之餘，老師好難兼顧所有學生。最慘係學生無咩機會講﹗搞到個個都係識睇識聽，但就一d都唔識講。(呢個亦都係香港普遍現象，好多香港人考左日文能力試一、二級，oral都唔係好得。)

我自己prefer小班教育，以前返學都三十幾人一班啦，英文學到出晒事就知啦。所以寧願係一間唔算大，但係幾專門既語言中心學日文。一來覺得老師都學校都幾好，二來價錢唔算貴($60一個鐘)，不過相比起來呢類型學校既選擇就少d，要睇個人時間表同地點夾唔夾到。

我讀緊既學校係佐敦，詳情我都唔copy and paste，有興趣可以去學校個網到:
http://www.streamwisdom.com

另外,上網學都係一比較便宜既做法。而且時間彈性，隨心所欲， 不過問題就在於發音未必準。始終無個專業人士跟住，就算錯左都唔知.加上以過來人經驗所得，自律性都係一個超大既問題 (-_-)


至於要學幾耐？如果係考能力試四級，按我既老師講係大概9個月~1年就ok架啦。(講緊係一星期一堂既課程) 不過，日語能力試有一個好大既問題，就係無oral考。所以好多香港人就算考到1、2級，都未必講得一口流利日語架。

而且能力試係以選擇題(MC)為主，有好多人為左考試而考試，比佢地PASS左，其實都無真正三級既水平。要睇下你想要張CERT定係要學到野。

再講，我地始終係香港學日文，聽日文既機會較多(日劇、動畫)，但係講既機會就少得多。考左三級，講唔講得到日文要睇下，你學既時候注唔注重ORAL。如果上堂多機會練習，自己有經會講，應該可以應付非常一般既對答。

E個有d難.....

それは……入大學啦，有大學可以唔使額外錢 take 外語 course，日文法文西班牙文拉丁文乜都有。