我一直都暗戀住一個女仔,但係佢原來已經有第2個 ......

雖然會得罪你, 但我都係希望講真話!

你係有膽追個女仔, 就一早追咗啦, 駛乜玩 "暗" 戀呀!
既然你冇膽追, 佢又唔知你鍾意佢, 同第個拍拖有乜咁出奇!

朋友, 玩得暗戀就預咗個女仔會同人拍拖結婚生仔, 你冇得怨呀!
如果你想同佢拍拖結婚生仔, 就一定要玩 "明" 戀, 即係擺明追佢!

你問你應該點做, 同應唔應該放棄?

如果你問應唔應該放棄 "暗" 戀, 我覺得梗係唔駛啦!
暗戀係你自己嘅事, 唔會影響到佢哋兩個嘅感情, 梗係冇所謂啦!

如果你問應唔應該放棄 "明" 戀, 首先你都冇追過, 冇話放唔放棄!
你真係想玩 "明" 戀, 你要同佢條仔做個比較, 喺靚仔 / 有型 / 識冧女仔 /
讀書叻 (或者有事業) 等等所有嘢, 你有幾多樣嘢好過佢條仔?

如果全部都好過佢條仔, 你快啲去追啦, 好大機會可以追到佢!
如果只係得一半一半, 你都可以去試吓追, 不過機會都係得一半一半!
如果全部都差過佢條仔, 你都係繼續玩暗戀, 或者追第二個好啲!

希望幫到你

點都好,我覺得你應該跟她說出你對她的感覺,禁樣暗戀落去都唔係辦法,一係就放棄