成為登記護士的準備?

你唔算煩, 做護士唔容易, 而且仲好有意義添, 但係真係抱歉, 你那七條問題, 我也不是全部懂得答, 答得幾多得幾多, 不懂的那些, 希望有其他人幫手答喇.

1. 做好護士的特質和條件:

1.1 愛心

首先要好有愛心, 因為要服侍病人, 啲病人三唔識七, 而且病人家屬又隨時會因為心情惡劣而向你發脾氣, 如果冇愛心, 真係好容易放棄架.

1.2 細心

跟住又要小心, 要好細心, 因為護士工作量好大, 但係少少嘢都唔錯得, 錯咗會隨時死人架, 例如派錯藥, 輸錯血, ...等等都會攪出人命, 所以真係需要啲好細心既人做, 粗心大意既人唔適合, 好似我咁, 做份財務報表往往要塗很多塗改液才完成, 肯定係唔適合, 如果你平日做細微野都好少錯, 咁你就夠細心做護士喇.

1.3 捱得眼訓兼身體好

要捱得眼訓, 護士工作要24小時輪班, 要幾捱得眼訓, 而且當你做咗登記護士後, 而又想升做註冊護士, 就一定要半工讀一個大學學位, 咁到時捱眼訓的情況更甚, 做護士工作好忙, 又要捱夜, 又通常有進修, 真係要幾捱得至得, 做之前, 要考慮吓自已在七成狀態下, 捱唔捱得通宵工作, 點解係要衡量七成狀態的自已, 而唔係十足狀態的自已呢? 因為你宜家青春無敵, 體能係最FIT階段, 但係你會老嘛, 四十歲之後, 你就會得返八成, 五十歲就會得返七成, 如果捱到四十歲既時候你的身體捱唔住, 要提早退休, 咁就有啲可惜, 而且還會前路汒汒, 所以你要有好的身體才適合做護士, 如果唔係, 病房咁多病菌, 你又要捱夜, 隨時會頂唔住啲細菌襲擊, 病埋一份, 如果你身體差少少, 又想做護士, 都有辦法, 就係keep 住做運動, 增强自已.

1.4 唔怕污糟

做登記護士, 一樣要幫助癱瘓病人抺屎抺尿, 同埋包死屍, 其中最難過的關口係包死屍.

2. 要有咩學歷才能入讀有關課程?

我真係唔清楚, 淨係知道大約係中七左右, 最好讀理科, 包括化學, 生物科, 至於文科得唔得? 唔知呀!

3. 醫管局或社福界畢業, 面對乜病人? 有乜唔同?

唔知呀!

4. 招生開學時間?

唔知呀!

5. 護士是怎樣處理工作壓力?

唔知呀! 媾仔掛!

6. 精神科和普通科護士的職責有何不同?

精神科護士係護理精神病人, 而普通科護士就係護理普通人囉.

護理精神病人係比較困難既, 所以人工高啲, 但係精神病人係會隨時失常性咬人架, E點你要考慮清楚, 當然, 護理學裏有一套制伏他們的方法, 你唔係一定要同佢打, 或比力氣, 最常見的, 就係當病人發狂時, 和另一個同事一齊用床單捲到個發狂病人一碌嘢咁, 使他無法傷害你.

7. 如果想增加入讀護士課程機會, 預先讀啲咩嘢好?

讀HCA(健康支援助理)啲課程囉, 再培訓局都有得讀, 好似唔使錢添.

健康支援助理或健康服務助理, 簡稱HCA(Health Care Assistant) , 又名H姑喱, 係跟護士合作無間的輔助醫療人員, 包括一齊包死屍, 報讀這些課程, 對日後報讀護士課程百利而無一害, 因為HCA要做部份護士的工作, 讀咗之後, 對面試解答問題有幫助, 拿着有關證書, 亦表示你知道護士大致做乜, 亦能表示你本身對這一行很有興趣, 願意付出.

唔好浪費時間做HCA， 想做護士就讀書， 考好的公開試。
醫院是一個很重視學歷的地方。

護士面對的壓力， 各人有不同， 有輕有重。
工作壓力只可能自己面對， 別人幫不到你，有護士面對不到壓力告別 人生、告別家庭、 告別世界、告別崗位。人生嘛，說不出， 自己領會。

D收生要求同時間都係人地有寫我唔多講

簡單D社福界係想你出黎做老人院呀弱智院舍個D
你唔做就回水賠番學費
醫管局就做番普通病房個類

精神科睇精神科ONLY
普通科咩都睇
但唔代表你做精神科就可以唔識普通科既野
普通科都成日會接觸都精神科病人

你最尾個段都睇得出你做護士未必會差過其他人
至少我諗你唔會媾仔黎處理壓力……
頂唔順一係唔撈一係睇精神科
壓力度度都有行行都一樣

如果你真係想做護士就唔好做hca
浪費時間
讀好d書好過