何謂「地產霸權」呢？

小女子路過，見到呢問題都幾有趣，想講意見，講得唔好勿怪。
以小女子愚見，其實都唔賴得晒地產商，好似發問者所講，租貴唔淨止大商場，連小商場街鋪都一樣。其實祇要夠旺，唔理邊個做業主都一樣係貴租，咁租貴賣就必定貴，似乎同係未地產發展商無分別。
其實一個願打，一個願捱，如果真係無人租無人買，咁樓價呀，鋪租呀，又點會升得起呢？所以我諗應該係供求關係重要。
退一步講，就算所有地產發展商退出香港，香港樓價會唔會即刻跌呢？當會先，咁唔係地產商業主又願唔願意見到呢個情況呢？如果真係跌到沙士一樣，夠平租啦？又對市民有無幫助呢？
小女子覺得，將問題簡單咁歸入地產霸權四個字入面去批評，當然容易得多，不過針對地產商或部分富豪其實係無意義。人做生意，唔係開善堂，你價錢唔，可以唔買唔租，無理由要人地一定就你。如果香港人有咁齊心，就可以迫到地產商就範，但係弊在人減少少就仆住去買樓同租鋪，都唔知幾得戚，話買平樓呀。有升值空間呀。跟住樓價升就炒賣啦，加租啦。跟住重要話人地產霸權，香港人，其實係精神分裂至真。

2011-08-19 18:12:25 補充：
樓主唔使客氣，小女子婦人之見，點講得有深度呢，不過大家有唔同意見即管講下囉。言論自由嘛。
不過講到意見唔同比人鬧，就真係見過同自己都試唔少啦。就好似樓主個知識長主戶咁，我都有入過去睇過，亦知道有一題好似講好唔好破產，比另一人咬住唔放係咁鬧，鬧人個好似重話自己係教徒喎。咁大家意見唔未各有各講囉，使乜咁激動鬧人呢？

2011-08-19 18:12:33 補充：
講返地產霸權，小女子重有意見想講！就係其實罪魁禍首都係政府，由港英到依家都係行埋咩高地價政策，攪到地產商坐大。而政府又無做番去平衡番小市民利益，做成貧者越貧，富者越富。講真以前邊有人仇富，大家都不知幾羨慕有錢人，希望自己努力有朝一日都可以成功發達。祇係香港社會經濟結構隨住時代改變，政府又無與時並進，結果攪到市民無機會改善生活，搵食艱難，再加上有別有用心政客係度嘩眾取寵。至所以近幾年先有咩地產霸權同仇富情緒出現。

我諗地產霸權即係: 由地產行業壟斷, 而帶動社會上其他行業被地產商操縱, 造成物價飛漲嘅一對無形嘅手.
舉例: 如果租金貴, 小民連買個西瓜波都會貴埋.

我又未聽聞金融業, 飲食業之類有霸權.

多謝 lop****** 網友的資料！
祇是這個維基網頁祇是介紹「地產霸權」這書為主，未有涉及實質的意見！而且在下亦希望得知大家的個人意見！
但不管如何都謝過你的資料！

可參 http://zh.wikipedia.org/wiki/%E5%9C%B0%E7%94%A2%E9%9C%B8%E6%AC%8A