✔ 最佳答案
其實法例並無規定時鐘酒店唔可以租房俾十八歲以下嘅人 (不論男女). 只因為時鐘酒店啲顧客多數有 “特定目的” 光顧, 所以人人覺得時鐘酒店規例好似特別d. 其實時鐘酒店同普通酒店 / 賓館無分別. 時鐘酒店攞嘅係賓館牌, 可以租房俾任何人. 只不過時鐘酒店係以每 “小時”為單位收房租, 而非以每 “日” 為單位. 事實上, 大把自由行一家三口兩大一細租住時鐘酒店 - 佢唔怕要同個仔仔解釋點解隔籬房個姐姐喺度叫咪ok囉. 一般酒店 / 賓館唔租俾十八歲以下人仕, 係因為如果住客走數 / 打爛嘢 / 燒咗張床 / 掃咗個場… 酒店 / 賓館要追個未成年嘅人數, 係好麻煩嘅事. 加上因為時鐘酒店啲顧客多數涉及性, 時鐘酒店都怕發生事時惹麻煩, 所以一定唔租俾十八歲以下人仕. 呢個係商業決定, 同法律無關. 答番你問題: 任何一方未夠18, 時鐘酒店都唔會租房俾佢哋 (一家人除外). 我話唔會租房俾佢哋, 而唔係唔可以入時鐘酒店, 係因為任何人都可以入時鐘酒店.