唔見左係百老匯買電話張單 係咪要去返買電話個間問佢拎返張單？

首先, 你一定係要去番荷里活百老匯先可以有機會後補返張單!
但喺你未去之前, 我俾定個心裡準備你, 佢哋未必肯後補返張單俾你!

點解? 因為部電話唔會刻住係百老匯賣俾你, 同埋幾時賣嘅!
張單就係最有力嘅證據, 但你竟然冇 keep 好, 佢哋唔補返張單俾你,
係絕對合情合理, 你告佢都冇用!

除非你有一啲輔助證據, 例如係用信用卡買呢部電話, 你又有證據去證明
係邊日喺荷里活百老匯買呢部電話, 又或者你買呢部電話果陣喺百老匯
做咗分期付款, 你又有分期付款嘅證據, 佢哋先有機會後補返張單俾你!

如果最後佢哋唔肯後補返張單俾你, 你可以有兩個方法, 就係俾$150
維修費, 或者俾其他公司去維修! 經過呢次, 我諗你應該知道以後一定要
keep 好張單!

希望幫到你