✔ 最佳答案
其實以18歲黎講,依家先入泳會的確係幾奇怪
因為大多數入泳會ge,都係細細個已經入左泳會
但係如果你只係想游快D同埋學埋蝶式,咁入泳會當然係一個最好ge選擇
因為入泳會後,如果你游得都OK,佢就會比你入泳隊操水,咁如果你有恆心咁操,當然會游得快D
如果你怕羞,你咪搵多幾個朋友一齊入,又可以一齊操水,幾好玩架
你又可以係泳會度識多幾個朋友
but,如果你係想去比賽拎獎,咁又真係難左D
如果你依家游得普普通通,依家先入泳會去操水,冇番幾年都好難拎獎
因為依加18歲果D已經操得好勁,佢地日操夜操,好多都由細操到大
所以你要操得好勤力先有機會拎獎
如果你只係想報下比賽,試下去玩游水比賽,累積下經驗only,咁入泳會梗係最好啦
入左泳會,就會有好多機會比你報比賽,你想報又得,你唔想報佢都唔會迫你報
至於係簡泳會方面,我就覺得屯門泳會好D
佢操得比較輕鬆,唔會谷到你好辛苦,而且又有分開唔同程度ge人黎教,唔使你一
入泳隊就要跟好快果D人游,可以慢慢升上去
而且操水ge時間都有彈性,你可以簡
海獅會就係一個大會,有規模好多,而且亦都有多D唔同ge班比你報
但係就會操得辛苦D,你要有心理準備
價錢方面,海獅會就好似平D,但係都要睇番你去邊班
而且係海獅會操水果D年齡上相對較細,你入到去可能會唔慣
雖然價錢有別,但係海獅會果D班會有好多人報,屯門就相對較少
我ge意見就係咁多希望幫到你啦:)
有咩唔明可以再問,我會盡量答你:)
海獅會:
http://www.sealion.com.hk/
屯門游泳會:
http://www.tmsa88.org.hk/
2011-08-17 12:03:59 補充:
入左會就大把人陪你游,一定唔會無聊:D
而且一定會游得快左(當然你要成日操)
至於海天/泳天泳會我就唔係好清楚= =
不過我諗你都係睇番佢有冇D泳術改良班比18歲,再同其他會比較下個價錢