好孤獨,無咩朋友,又樣衰,無咩開心過,想改變

上個月岩岩16歲,16歲好似去到人生另一個階段,我既童年回憶大部份係比人蝦,孤立(大部份係孤立我,係幼稚園同小四先比人蝦),最記得小四果陣比兩個人蝦得最勁,佢地係第一個用身體暴力對待我既人,佢地成日打我串我屈我,有次打到我流血,到小五小六好開心有第一個朋友,同埋個班氣氛好好,個個相處融洽,無針對邊個咁,人人平等,果時我好天真以為我既命運開始轉變
但上到中學之後,大家各散東西,我唯一既朋友學壞左,跟左人,佢成個人都變曬,再無同我聯絡,而我上到中學之後,我被人孤立,d人都當我係自閉仔,無理我,所以我好少朋友
我自己一個經常返學放學都係自己一個,我已經習慣曬一個人既生活,而我唔鐘意出街,但我好鐘意打籃球同捉象棋,所以我打籃球會6點幾早上就去打,因為多數青少年無咁早起身,多數都係阿伯阿叔,同埋有象棋比賽我都會去
前排動漫節我先自願性出街(除左打波同動漫同象棋比賽我都好少出街)都係自己一個去,雖然我習慣自己一個,但唔知點解我好介意人地眼光,我驚比人歧視
我最近諗通,想改變,但我知好難,我無自信,又樣衰,仲有好多缺點,但我都想試下改變,改變唔到起碼證明我嘗試過,有無人幫到我
my msn:[email protected]
傾野msn傾