✔ 最佳答案
因為屋企有d事發生, 我媽係賭仔, 死性不改唔想再係呢個屋企住, 都唔想我爸無地方住咁樣依加出面租屋真係好貴都好細間... 我又要讀書就快要考高考, 我想問下我咁樣有無資格申請公屋?
有資格，只要你夠18歲就可以申請。但留意，唔同既申請人組合會有唔同既效果(即係單人申請會比較慢，聯名申請又會視乎同咩人一齊申請而有快慢分別)
答：其實我依加係住緊公屋的, 但公屋唔係我個名, 係我婆婆的, 政府係米有我地一家人既資料?
答：呢度我唔係好明你既情況。簡單黎講，你睇下你間屋既租約後面有無你地既名。有既，房署就一定會有你資料。無既，房署就未必有你既資料。
我同我爸係米唔可以再另外申請公屋咖喇?
答：就算你同你爸爸真係有名係呢間屋，你都可以同爸爸一齊入表申請公屋。只不過如果你住緊公屋既話，排隊分數會減30分(房署排公屋係計分制，分數愈高愈快有房)
我爸同我媽已經離左婚, 咁樣可唔可以變成唔同既單位咁樣, 我呀爸自己申請公屋呢? 我已經夠18歲又可唔可以?
答：可以，你地可以分開兩個申請。如果你爸爸以單人名義申請，你要記得去通知屋鄒辦事處，你爸爸係離婚人士。因為房署有一個叫"離婚後住屋安排"既政策，係專門協助你爸爸呢類個案既。(當然，前提係你爸及你媽係租約上都有名，同埋佢地既離婚係已經由法庭頒出"絕對離婚令"。)當中仲有好多細節，建議你去屋邨辦事處問問。
同埋知唔知申請公屋大約要幾耐??
答：唔知，好視乎而家有咩單位供應，如果呢期多大單位，人多既組合會去得快d，反之亦然。
如果我同爸可以申請公屋既話, 咁依加住緊既呢間屋會唔會因為少左人住而要收番??
答：首先，如果你同你爸未搬出去而又未減名既話，你地等緊派房呢段期間係唔受影響既。簡單講，房署係睇你租約上批准既住用人口及單位實際住用人口去決定。至於到時你同爸爸搬左之後，就要睇下你而家間屋有幾大。現時房署既政策，係每人平均住34平方米或以上，先需要即時調細房。
希望好心人解答一下我既問題.. 我真係好苦惱:( 2011-08-08 18:02:07 補充 choiwa: thx.. 但係我依加住緊呢間屋係叫我地一家四人住咖wo.. 當初係用我婆婆名義申請, 但係寫我地四人住.. 咁叫唔叫一同申請?? 我同我爸依加都可以另外申請公屋?
答：總之租約上有你既名，你地就係一齊申請架。戶主名只係負責人咁解。
