申請公屋與刪除居屋戶籍問題

1.居屋同公屋是兩個唔同戶籍，如果你住居屋，就必須要去房署刪除左你居屋個名先可以申請公屋，否則係唔可以申請，房署唔會受理(我申請過，我知道，以前住居屋)。

2.呢個問題要問返房署，房署政策日日唔同，d社區社工都更新唔切，最好房署問。不過影響不大

3.倒扣30分只係公屋，居屋不受影響。

你所講係住居屋，咁有關住公屋扣30分就唔岩你用。

申請公屋唔一定要先減名，你可以繼續係居屋有名。但公屋係會扣30分，居屋就真係無聽過。

居屋減名唔係一定得，要睇返你同屋企人買居屋時，你係已咩身分加名入去。如果係因為聯名先抽到居屋既，係若干時間內，你係唔可以減名既。呢一樣你要打去房署問問至得。

至於減名後可唔可以住返係度？居屋當然無問題。居屋唔同公屋，你自己係業主，無話唔俾架~

如果填減名表，最好唔好填返現時住址....到時佢問你仲咩係度住又要減名，然之後叫你去填一大堆文件証明......搵自己黎搞。

tips就睇你公司報唔報啦，唔係你報完就信你，房署有機會寫信去你公司問架~~~

公屋住戶申請單人公屋，申請時無需刪除戶籍，但會被倒扣30分。

因申請單人公屋是用年齡做計分制的，以18歲起計為零分，每大一歲加3分，在輪候冊輪候多一個月加一分，分數越高，上樓越快；但你一開始就倒扣了30分，已蝕底很多了，所以目前冇迫切性去理會入息會否超額，因會比別人輪候較長時間。

2011-08-08 10:32:04 補充：
很簡單，刪除戶籍後就必需要遷離公屋；你寧願倒扣30分，或選擇遷離公屋而無需扣分呢？魚與熊掌，任君選擇！