其實如果你係有決心去學好英文,就應該努力d,每日都去背20個英文生字,可能一開始會有d難,會有多多字唔識讀,又學你咁講讀左又易唔記得,但我可能話,你唔去做就永遠都唔識,就算係今日記左聽日就唔記得,但至少你有努力過,付出過,而且就算真係會"隔日清",但你只要成日(得閑)就記吓,咁點都會對個生字有少少印象,將來對住成板英文都唔會全部唔識,淨睇d生字盡量去估下都得文法果d就真係要你認真去學,同埋多d用先會容易記d,或者係可以試下去睇d小學ge英文書(圖書館借),再慢慢去學,等你可以睇完一本,有返少少自信心,咁對你去學英文都好,仲有,其實你應該多d去試下用英文去同人溝通,唔係話咩要同外國人傾計,只係好似平時講句good morning咁就得,就算真係會講錯,甚至被人笑都唔好去介意,因為唔係咁就學唔到英文架la又或者你可以試下寫英文blog,只係寫d你想寫ge野,就算有人批評你,都可以有個internet隔住,咁你就可以放膽去練下d英文,同時,如果你得閑仲可以寫少少生活感受俾學校d英文老師睇(最好就梗係外籍人土),等佢地去改你d英文文句,同時仲可以俾人地了解你多d添最後,如果你對你ge英文有少少信心,我推薦你可以試下下面個活動,個組織好好架,係裡面個個都會講英文,因為佢地係國際組織,所以會有d外籍人土響果到,佢地有得比人做義工(唔係普通悶死ge派傳單/賣旗)有好多工種揀,而且唔洗經驗,如果係學生,做滿70個鐘仲有張證書添歡迎來到十字路口基金會 — Crossroads Global Distribution
http://www.crossroads.org.hk/our-needs-zh-tw/volunteering-zh-tw