[急用]如何寫好一封調班信??.

首先我問番你, 你以為調班信內容應該寫乜嘢藉口? 寫你成績退步咗好多
係因為家人比好大壓力你? 家人迫你選修科? 定係考試大壓力成日頭痛?

其實你已經講咗成績退步咗好多嘅原因, 係因為你冇心向學, 同埋你根本
冇盡過力完成試題!

假嘅藉口寫咗都冇人信 (自己唔好仲要賴家人), 真嘅理由又唔可以寫,
再加上如果個個學生都話要去好啲嘅班, 啲老師同校長咪好唔得閒!
就算你真係夠膽交封調班信俾學校, 佢哋根本理你都儍!

至於你話D班有好多小圈子, 更加係笑死人嘅藉口! 無論邊間學校同邊班,
都會有小圈子呢個問題, 你真係唔好呃人冇讀過書先得呀! 你話同嗰班人
玩唔埋堆, 你都未試過, 點知玩唔埋, 除非你自己唔想同嗰班人玩!

做學生嘅責任就係讀好書! 唔鍾意讀嗰科就特登冇心機讀, 又唔出力考試!
到降班喇, 因為覺得好醜, 怕俾人笑, 就想寫調班信求救, 真係不知所謂!
仲要將失敗嘅藉口賴落家人度, 更加係失敗之中嘅失敗!

"出得嚟行, 預咗要還"! 冇心機讀書同考試, 降班就梗係會發生嘅事啦!
你係知錯嘅, 喺今日就開始搏命讀番好啲書, 話唔定下年升上去A班添呀!

希望幫到你