一場兄弟，住弟弟的房子，應否交租給他？

「弟弟大把錢，我卻要養兩條化骨龍。弟弟既然預了供樓給外婆住，其實外婆一個人住，跟加上我們一家人住，都是那樣供樓的了，根本沒分別。」
這是強盜理論啊！弟弟大把錢供樓俾外婆住，你就跟埋入去住，有無問過業主願唔願意、有無問過屋主(外婆)鍾唔鐘意呀？

「弟弟說，我們一家四口和傭人，佔了主人房，BB房和工人房，外婆則住客房，所以要收我們租，租金相等於兩房單位的市價。」
弟弟講嘅話你究竟聽唔聽得明，話你哋客家佔地主！將人哋間屋霸佔，將屋主迫去住客房，咁就叫照顧外婆？第一個意思係想你哋搬走，唔搬走都要你哋負責返一半租金，你哋全家佔去三間房，連大廳、廚房、廁所、浴室都一定係你家人佔去5/6，至收你哋兩房單位租金點算過份，你搬出去用呢個價錢一定搵唔到地方夠五人住。

你估你走外婆無你全家搬入去住就只會一個人孤令令呀，外婆除咗你兩兄弟兩個外孫外，一定還有其他親人，也一定有佢嘅朋友，你哋佔咗去間屋嚟住，攪到她唔方便過清靜日子，唔方便招呼其他親友輪流到嚟探佢住住幾日。你重好意思話霸佔佢間屋係照應佢，你要外婆照護你全家至真呀！

樓上話應該叫弟弟出返份請工人嘅錢，簡直謊謬，一家四口包括埋有BB，請嘅工人緊係主要照顧BB啦，打掃、煮飯都很難完全兼顧到，邊會得閒再分時間照顧外婆！最大可能就係將外婆當埋工人嚟洗，依樓主嘅思維，佢嘅想法會係咁：外婆一個人住都係要買餸、煮飯、洗衫、打掃屋企，得閒無嘢做照顧下曾外孫都好應該呀，俾多小小工作外婆做，對佢健康有好處！

樓主，你最好就係唔好交租立即搬扯，你咁樣恬不知恥佔自己外婆、弟弟著數，遲早會引起外婆的子、女(你舅父、姨媽、阿姨)，你的姨表兄弟(外婆嘅親孫)的公憤。

老實講,你就識租自己的出去,住人地既屋,仲想囉埋著數,就算佢家財千萬,唔收你租就人情,收你就道理,咁唔想比o個d錢,咪賣左層樓佢囉!咁咪有錢囉!結婚生仔請工人都係你自己意願,無咁大個頭唔好戴咁大頂帽!無人拎支搶指住你要生!

人地做呀叔無奶油要幫你養埋仔&老婆&工人!

邊有你著數哂,又有錢收,又有層樓,又唔使比租!你調返轉你制唔制?有咁無恥既大佬,呢個細佬真係可憐!!!

交租系應該 :

1)因你系家中的一份子
需要負擔反開支 / 租金 /
家中所有責任 : 如照顧外婆 , 弟弟
自己大廈發生咩事都要去處理

２）佢用左好多錢買樓，　你交租系應該

但數目吾應該系租金相等於兩房單位的市價

佢有咩做計都甘盡 : 此終都系一家人
做咩要用市價去計而吾系大家商量後果數

做咩要佢話幾多就多 ，

甘你照顧外婆費用又系咪同佢一人一半 ?
請人工錢系咪一人一半　？

加上外婆都有份住　，　佢自己亦有時反黎住又點計　？