佢係咪對果女仔有意思?

如果個男嘅同個女係完全唔認識, 佢係公司由最初好明顯咁一有機會就望個女仔做嘢, 有次返工撞到又對住人笑。直到佢發覺個女嘅唔係好理佢之後, 經過個女仔附近就有時擰歪面,有時就偷偷地望人。
但係佢一直好留意個女嘅舉動。有時見個女同人講笑時, 佢又望實人仲笑埋一份....
有次見到個女仔同男同事一齊執嘢之後, 第日就冇點望過個女仔。隔咗一日, 佢又好似冇嘢咁, 行開行埋都望向女仔果邊。有次個女仔咁啱同另外二個同事做緊嘢時, 佢行過望入嚟又見到果個男同事在場, 當時個女嘅都有望向他, 不過佢就望一望其他人就只望住女仔企個方向笑。

有日個女仔病咗冇返工。第日佢一知道個女嘅返咗嚟之後。佢又好似最初咁行過一有機會就望女仔坐嘅位置。果日佢地又有好幾次機會係公司走
廊撞到, 每次佢都會望一望個女仔, 有次仲放慢腳步同個女仔一齊行, 直到有同事揾佢, 個女仔就走咗返埋位。有時個女仔行開咗去第度做完嘢, 係佢後面行返埋位時. 見佢會望下個女仔係唔係個位度。如果唔係個位度會週圍望, 宥時又會特登唔望...

佢係度諗緊咩?