中鋒進階問題，如何做一個多元法的中鋒

我唔係專業既籃球員，但我都打開波同睇開nba。

我覺得中鋒唔需要太多花巧，因為體型上有優勢，
唔需要太多額外既技術去進攻，只要穩陣就可以。
控球唔駛太好，因為你控球既時間唔多，
要練既話就練背籃，轉身果d，
我team開果d中鋒好少機會同對手面對面，
多數拎到波都係背籃壓入去，唔得就交返個波出去，
nba果d技術型center就另計la，始終nba咩類型既球員都有。

如果你想加強得分能力，你最好練下三秒區對出跳射，
或者兩邊擦板，Tim Duncan當fit果時都係靠擦板呢招搵食，
一樣場場廿幾三十分。
d中距離同3分我覺得無必要喇，只係錦上添花，
作用不大。

至於防守易比人fake，我諗係你心態上想block shot先會易fake起，
其實你有咁既身高，企係度舉高手已經比到對手唔少壓力，
騷擾對手射波，之後做返box out，搶板就夠，
當然block到係好型，但咁會令你防守易出現失誤同犯規。

另外體能就一定要練，仲有力量都好重要，
而你本身有速度，都可以練多d pick & roll 既技巧，
突破分波唔岩你做的，可以唔駛練。

先講下你本身技術先, 進攻方面你就真係比較單調得兩招。而就算你所講嘅防守幾好, 但同時因為你時常因做 block shot 會犯規同比人 fake 起, 咁即係防守都唔算太好, 唔會比人得分兼唔會犯規果 d 先係好嘅防守。想改善我個人對你都有 d 建議, 其實都係 d 基本嘢........

人 -- 你就真係算高, 但得體型就比較單薄又易無氣, 你應先增磅同練氣, 基本條件好先可以容易發揮同保持技術上嘅穩定。

進攻技術上 -- 每個人都應該有兩三招絕招, 以你身高我一定會叫你強練單手勾手, 如果你隻手係跟你身高一樣比例的話, 呢招一定係你最強嘅絕招。第二招要練就係背住敵人時, 先食腳位後急速轉身垂直跳到最高點 射波。你唔好以為呢招係普通嘢, 以你嘅身高如果彈跳力同速配合得好, 他日又增磅有番體型後呢招都幾難有人擋到你。其他要同隊友配合嘅如 pick & roll 呀切入分波上籃果 d ,你就再同隊友夾下啦, 但你一定要勤練葫蘆圈內垂直跳到最高點射波呢下。

防守方面 -- 技巧係你只要盡量貼近你嘅防守對對象, 以你身高再舉起對手, 佢地要射波都唔係咁容易, 但相對體力消耗會大。而 block shot 點解你成日會犯規呢, 以我估計你衝前同隻手應該係向前拍或向住對方拍。其實 block shot 隻手向橫拍會無咁易犯規, 但相對 timing 就好重要, 呢方面都要你自己慢慢掌握。防守仲有一點好緊要, 就係勤力, 所以氣量係好緊要。

希望以上嘅建議對你有幫助啦。

高194 cm it means 練埋背籃果d野啦, 我諗大把港人mark阻你唔到籃底2分了
70 kg <<<好輕
控球要練下wo...你194好易比較矮的偷

好好架啦,有d似住自己高唔防守,不過你有無埋籃板?即係咩一咩位先跳果d
好單調 背籃 轉身 一d easy shot擦板....睇howard, tim duncan, 姚明啦^^
夠高大唔怕直接既
單調同直接有機會係街埸d人唔同你玩pick and roll....or你pick左佢就自己沖...
所以好多時候你只係入左籃底,做苦力,拿籃板,屈籃底2分 所以你覺悶掛

真係想單打可以背籃慢慢bump入去..再傳or自己整個easy shot都得(對方的c唔高) 射波唔準可以練 當然唔係叫你射long2,射有色地帶果d, 唔入既話個ball彈外框你都話有得汁下^^

改善,進步,要多元化>>睇片,,搵真人交流(唔一定上堂)
控球,中距,背籃,轉身,底位跳投,同人夾pick n roll 好多野你練啦