關於 mini cooper車一問~

你所講嘅 Mini Cooper 應該係新Mini第一代 (Mk I), 但係記憶中應該係 2001年先開始投產…
Anyway, 你講嘅 Cooper 或 Cooper S, 都唔會有Turbo. 要去到 MK II 第二代 (2007年) 嘅Cooper S 先有 Turbo. MK I 嘅 Cooper S 係用 Supercharger. 有Supercharger 當然好力過快過冇 Supercharger 嘅 普通Cooper.
至於多唔多嘢整，可參考我之前作答過嘅答案:

MK I 呢代嘅新Mini好多問題, 尤其係開頭出嘅年份. 後期 (05~06)年出嘅有非常大嘅改善. Maintenance Cost方面, 差唔多係母廠BMW咁嘅價錢. Road and Track 上期 (Volume 59, #11, 七月號) 有一篇專欄講買二手Mini要注意嘅事項:

波箱: 普通Cooper嘅自動波箱係行CVT(無段變速). 呢個波箱耐用性低, 好多早期出嘅Cooper都死波箱. 建議如果買02~04年車嘅話, 揾一架已經換咗波箱嘅車. Cooper S嘅六前速自動波就冇呢個毛病. 棍波的話, 飛輪同極力子較易出問題. 空波時亦較多噪音
冷卻系統: 水箱膠邊易老化, 導致漏水. 水箱風扇電阻容易壞, 一係搞到風扇唔開(overheat引擎), 一係就長開 (搞到冇晒電). 唔可以剩係換電阻, 要成組風扇部件換.
擋風玻璃: 因為角度較為垂直, 容易比石仔打花或裂. 先檢查清楚有冇裂痕
前避震塔頂兩側變形: 打開車頭冚, 睇吓前邊避震塔頂有冇異樣. 如果行經路面凹凸不平或過停車場speedbump過快, 會令避震bottom out, 損壞塔頂. 建議加頂bar
風油馱過重: Mini係好彎嘅車, 但試車時如馱感過重或轉彎時有怪聲, 就可能代表風油馱泵有事. 原因係風油馱嘅冷卻風扇有沙或泥入咗去令到風油馱油過熱.
士啤輪胎: 有Mini Cooper可能原廠配備Run-flat防爆輪胎, 所以冇spare輪胎. 而呢D車主可能因為嫌Run-flat輪胎乘座感唔好而換番普通輪胎, 而唔加番條後備胎, 所以要檢查清楚四條輪胎加後備胎.
換偈油: 睇番service record, 睇吓前任車主有冇每半年換一次油.
車廂電子部件: 防潮設計做得好差, 所以要檢查所有設備.
氧化: 車門兩側下面較易生秀, 睇吓嚴唔嚴重.

2011-08-05 04:48:32 補充：
Cooper S 只係喺自動波箱上好D。同好力D。如果真係要買Mk I 嘅 Cooper or Cooper S, 買後期 05~06 會好D，始終 facelift 後廠會改進零件。