內心孤寂,覺得自己很廢

我同你同齡，我一樣無朋友（我覺得應酬無聊人係浪費時間、亦無野要搵人傾訴、更加無額外精神去關心朋友、去幫佢地睇 application letter 同 resume），一樣同屋企人無話題（佢地喺我眼中只係行屍走肉），對於眼前啲人好多都覺得佢地無真實感（不過係存在上既真實感），一樣十日有七日都暴喺屋企，so what？你喜歡的話叫我宅男囉，我唔 mind 既。對於以上，我完全唔覺得係一回事。

點解？因為以上無一樣定義到我係邊個。我係邊個，係在於我既理想，我既事業，我既成就，同最重要既係，我想創造既未來。重有一樣：未來屬於我既嗰種自信。

學歷低唔係藉口。無朋友唔係藉口。無錢更加唔係藉口。你一定有種能力，係你有人無。你一定要發現佢，去開拓你既世界。

你溝女叻唔叻？叻既話，你苦心鑽研，將你既經驗複製，出本書教人溝女，或者直接靠溝女掠水，將啲女搾乾搾淨。呢個係條出路。呢樣唔需要學歷吖？

你宅男溝女唔叻唔緊要。你識唔識寫程式？肯唔肯學？依家寫個成功手機 app 可以吸引幾廿萬人 dl，賺到發。將來應該係 android 天下，寫 android 就無錯。再唔係，你有橋但唔識寫都得，賣畀 Nokia，或者自己寫好計劃書再請人寫程式再出臺囉。

你寫文章叻唔叻？對香港政治熟唔熟？寫唔寫到政論？或者食評？game 評？app 評？夜店評？一夜情對象評？得既，自己開個 blog 慢慢經營，遲早聚集到一堆粉絲，到時一出書，實發。

打機呢？你宅男應該最鍾意啦。打得機多，實有意見既。你估下可唔可以將 CIV 三國志 travian 等等既元素精華攞出黎再另砌一隻史詩式既 game？

香港啲後生總有少少哈日情意，有無恁過學日文？自學唔使錢，學完出黎教人，好賺過補習。入公司做，或者自己開生意，重可以輕易喺日本網站掃貨。再識返幾個架妹，いいですね。

香港啲激進八十後係咁搞社運，出位就係佢地本錢。你鍾唔鍾意玩政治，喜唔喜歡出位？佢地當中，越出位越有前途。未來係屬於年輕人，假以時日話唔定可以掀起革命，香港政史要寫你個大名。

內地好多女人要湧來香港生仔，有啲甚至只要有香港人同佢地生個香港仔就得。你渣香港身份證架？無遺傳病呀可？又有得留種，又幫到人，又賺到錢，何樂而不為？

呢個世界四通八達咁多選擇，呢樣唔 work 咪第樣囉。你有工作，但唔好同人講你連思考自己出路既時間都無，亦唔好同人講你唔識思考，要靠 yahoo 知識+班廢柴幫你。

最後想同你講，你有幸生逢網絡世紀，你要發表既野，只要網上一 post 就有人睇到，以前你講乜都要睇人批唔批；你要學既野，網上好多都有教材，再唔係去圖書館，你連買書既錢都慳返；你要搞咩生意，網上有埋付款系統，你連出去見客都未必使。你唔使朋友唔使父蔭甚至唔使出街，乜野都喺哂度喇！只差你既 idea，你既意志，你既行動！如果你重係乜都唔做喺屋企漚臭，咁我真係要同你講句：死宅男，你快啲去死！

我系咩人?

普通人一個　：　
好多男仔同你一樣有以上問題吾＝你廢　

但你系需要改變你自己　：
如同家　人關系　：　吾一定要講野
可以多出外活動　／　請佢地食反　．．．．

同事串　：　你可以吾跟吾同佢地一樣　
系可以有反你自己性格　佢串，你可以有禮貌　

對住部電腦　：　都系好事　
可以識朋友　／　睇報紙　／　
玩　ＧＡＭＥ　減輕工作壓力　

只可以做低微工作：
你錯了　：　只系你做夠一年以上有經驗　
出面有好多工比你簡　
（　因佢只睇你有冇經驗　識吾識打字）　
你做開文職　：　都可以轉做行政　／　出入口文員　

見識多D：　可以去旅行

試下去識反個女友　，　你會開心得多　：
因你咦家冇人分享／明白你　！　

改心態就ok la.....
在工作上外交是重要的....
唔好理同事好假or好串(自己高人一等)(正常)

其實你知道自己問題,首要係改變自己,

學歷很低只可以做低微工作,
既然收工有時間點解唔報d野讀,進修下?

想衝出世界,見識多D,想識D知己朋友..
夜晚返學可以識到唔同既人,廣闊自己生活圈子,
進而提升自己!

趁時間尚早,坐言起行吧!