低波和高波的意思--駕駛車輛的問題

波係本地俗語(廣東人好多形容詞都有個波字)，係車輛變速箱嘅俗稱，變速係車輛由停止到起步然後加速等一連串動作。當車輛剛起步時需要最大能量，變速箱或波箱安排不同齒輪比率將引擎動力傳送到車軸，齒輪比率可視為變形嘅槓桿原理。例如一條長板兩端有重點同力點，支點係中央，重點係車軸，力點就係引擎輸出，只要改變支點位置就可分配動力。係物理學上係有數可計，這裡從略，簡單講，當支點接近重點，力點就可以省力，但力點移動幅度就比重點大，相反當支點移近力點時，重點移動幅度就比力點大。

車輛變速桿(或稱波棍)就相當於移動支點位置，車輛起步要較大能量，所以將支點移近重點(或稱一波或低波)，力點移動幅度大就相當於引擎轉速高，換言之，低波時引擎轉得快但車輛卻行得麼。車輛可以行為何要變速﹖一波行完全程都可以﹖要知道引擎動力係依靠汽油燃燒爆炸產生，除動力外亦產生熱力，引擎轉速愈快，熱力愈加驚人，不受控時會將引擎燒燬。

當車輛起步後，所需能量就會下降，可以將支點移離重點並靠近力點以減低引擎轉速以及增加車速，意思就係由低波逐步升上高波例如四五六波等等，換言之，低波時，引擎輸出力量，高波時，輸出速度。

自動波亦係同樣原理，但變速係由車輛自動控制，車輛有電子組件負責監視車速，引擎能量同埋駕駛人意識而自動轉換波檔。