婚姻感情大問題好想好想有人俾意見幫幫我呀! 十萬個感謝!!

我結左婚4年半了, 依家有個3歲女,係年幾前我對太太開始無咩感情了,有的只是責任,點解我會變左另外一個人,事源因為唔知點解佢結左婚之後他不同了 變得大女人唔尊重我,係我D朋友面前話我笑我,之後問下佢,佢依然覺得無問題, 佢既表情態度令我難受,不過4年多了,生左個女之後,佢好保護個女,同我家人出去遲d返屋企都唔得78點,和他家人10點都得,家人好難至見到我和BB一次,每次出親街就可能只3個鐘晚飯都無得一齊食,我太太因為她不喜歡去我父母屋企所以好少去,一年都唔知有無5次,每次都係可能吃個飯就要走(最多留3小時)每次都面黑,我好唔鐘意,但可憐既係我去佢家就像是應該 一星期兩三次,相比之下我可能一年只見我家人12次,佢就..好唔公平,之前佢話我在他家人面前唔係好理佢, 所以不滿, 但我感到依家面黑是潛意識,其實都係,因為連我自己都好難得至見到我家人,噤耐無見,更係多計傾,又想同BB玩,自問家人一直對佢真係唔錯的,佢地對他說起話來都要好客氣,我家人打黎想見BB成日要推,要得到批准似的, 有時佢會說 "吓"我無心理準備.. 就無見了, 因為少見, BB到左歲半2歲都怕 爺爺嫲嫲,是不是有問題, 點解未結婚前唔會黑面依家見親都係噤, 可能因為佢坐月時同我媽我媽說了點不好聽的話! 也不應對全部人都不太禮貌, 有時會"吉"我媽,我至此都無對佢父母面黑!
不過佢依家好左D了,問題係我本來都覺得自己係一個好男人,09年一次海洋公園之後就變化了,那天之後我對他已有點心淡了.. 我們玩完6點左右走, 好應該一起去吃飯!但佢面口黑到無人有,那天剛好是我家姐男友第一次見家長,就想一起吃飯,他偏說要走,最後我們勸了都去了,不過去了真的唔去好過去,那天我們反面了,之後我就想學他弟, 做個大男人 (佢弟才是一家之主,他說一不能有人說二,大聲罵人,次次吃飯都要教訓一下父母) 她都怕他,我去他家也有點怕怕,自此之後, 再加上我股票頻頻失利,我心情變得好差,之後我都開始變了另外一個人了.
在07年10月輸錢撐到依家,按樓的錢都快沒了,心都好痛撐左4年,我不自覺變得像朋友般去大陸玩,兩年前我出軌了,大陸有個女朋友,佢對我好好,我每次唔開心時佢都好多支持我, 我知佢唔係貪錢,加上佢好行的,佢知道我有老婆就想同我分開,唔想做第三者,但因他真的對我好好體貼,海洋公園之後我開始返大陸做野兩邊走,我同佢和他家人一起生活年幾,他的所有情感都是表露無為,所以是沒看錯,不一定大陸女人識香港人都是為錢,也有想為自己幸福而去愛上一個男人的,加上佢係愛情觀大過天的那種女生,所以佢會對佢愛的人好好,佢好尊重我關心我在乎我,所以我如果同佢分開我都會傷心,說分手說了好多次, 我們經驗了好多淚水,因為佢知我唔想無左個家,我也真的不想,我太太個女甚至我層樓,我現在29歲,有時覺得好多人上唔到車,但我係6年前慶幸上左如果要放棄好似好唔值得,我係一個好念舊既人,擁有左就唔想失去,我知我太太還愛我,他有時都會為我買衣服,煮飯給我吃,但我想生活開心,但可能因為東莞人加上白羊座掛,成日說這個那個不好我不對,我不想聽了,成日問佢您一天話少我一次得唔得 我是愛好和平,但現在的我真係再不想忍受了,我不想成為係街邊見到老婆當街大罵男人的那個,其實我真的不想失去呢個家, 我也為他著想的,我想如果我走左,就得返他帶住個女, 是不好受的,我好愛得我個女, 我由他出世, 不斷影相, 想將來將他成長經過結婚時幫佢做個VIDEO, 可以看他長大 一起生活看他畢業, 一家人去旅行, 好多野想做,我又怕囡囡是生長於單身家庭, 我怕他不愛我呱個爸爸, 無奈的是我已經不愛我太太,沒有感覺了,依家生活得好陌生很少說話都一段日子了, 還是我要為大局著想, 要麼不理他們的感受要麼不理自己感受?我有時會想如果我們為責任而在一起,會是件好事嗎? 希望有人同我分享 說一些自己或朋友經歷,分開不一定不好,有無d人帶住個女(因為由小到大都係娘家生活, 個女愛媽媽多過我,我唔會同他爭的)都可以找到另一半, 或是囡囡在單親長大的也不一定是不好的,我真係不想失去我的家,家裡面所有東西習慣我都很不捨得, 但我依家面對既我已沒感情 好難好似D人一家三口帶住個小朋友都可以恩恩愛愛那種的現象,囡囡還細,我也不老,已經攪成噤,之後會點?但我又好愛我個女, 囡囡是無辜的,又不想囡囡唔開心,我還有很多東西想和囡囡做的,如果分開就沒機會了,另外就是我又很愛大陸那個, 失去佢我又同樣會好傷心他很愛我很想為我生小孩, 我同他一起都2年了,依然好恩愛, 好似第一天在一起的恩愛,我好想和他一生活,我知道他會尊重我和家人, 他對我的愛肯定比我多, 我們憧憬我們未來 雖然未來無人知,但起碼在性格上合得來,但我真係好苦惱,快要瘋了, 我到底要為責任而原形不變 或是去和我的幸福在一起呢?