我近年暗戀左個女同學......難道已注定同佢有緣無份!?

本人就黎升中四,近年開始暗戀(可能係單戀)左一個班上既女同學,個女仔平時都幾多言,係講少一句野都唔舒服果類,有時佢主動走黎聊我講野果陣(雖然唔算好多)個心就會有種好開心既感覺.....但可惜我朋友又唔算多,份人較慢熱,又冇膽+諗唔到話題+冇乜女性朋友,又搵唔到位主動同個暗戀既女仔傾計(我同佢響班房既座位都離好遠).....但我又怕如果無啦啦主動走埋去聊佢傾計又可能比人覺得好怪+比人講閒話(令人懷疑我鍾意佢).....教我點先成功做到有效打開話題同佢傾計+做朋友+再拎埋電話?

(仲有,我近期已成功硬住頭皮add佢facebook,但可惜因唔熟而唔夠膽同佢響wall傾,因為對話內容太公開.......又怕如響chat room叫佢又好怪......點算呀?)

我實在唔想再咁樣落去....搞到成個傻仔+廢柴咁......我又唔夠膽同身邊朋友講話暗戀左個女同學.....因為怕比人笑+潑冷水.....唔通真係只能妄想第時出黎做野有緣見到佢做同事,到時再搵位主動同佢傾!?睇怕機會都唔多大.....唉....我見佢同其他男同學傾得好開心/玩到好癲/放學一齊行果陣,雖然我表面上好似冇乜野,扮到唔在意+睇唔到咁,但其實個內心就好似比針拮咁(就算係女同學都唔例外)......直頭有一種好想殺左佢地既感覺.....

(佢即將會轉去另一間學校.......因為要作定最壞打算.....請比埋建議......可能呢世都見唔到佢!?嗚.......)

我初頭對個女同學係有D好感,見到佢果陣就有種好想同到佢傾計+做朋友既感覺.......但不知不覺咁暗戀左佢.....唉.....即使做唔到戀人做到朋友都好吖.......雖然我有嘗試逼自己唔好去諗佢......但始終都做唔到.....個心就愈忘記唔到佢......只會愈黎愈令自已諗住佢.....

(難道注定同佢有緣無份!?我覺得自己根本冇可能會再鍾意第二個.......自問自己係唔會咁容易就鍾意人果類......可能真係就此狐獨一生......嗚.......)

我真係懷疑自己係咪有病....嗚....呢件事已困擾左我好耐.....可惜始終唔算太多人睇到呢篇野........請好心人留低你地既msn,thx.....

PS:大前提係要傾計果陣唔好比人覺得怪+有心想溝女,我現時階段只係希望能夠同佢好傾d姐......

(其實只要能夠同佢做到朋友都已經好足夠......嗚......睇怕都可能係冇......)(唉,我依家見到佢果陣個心就覺得好酸.......成日扮睇唔到佢算......因為會諗起佢同其他男同學傾計/玩得好開心/一齊放學行果陣既痛苦.......點解偏偏唔係我?嗚........我覺得自己多數可能響佢心目中既地位根本可有可無.......有時更因此偷哭......)