媽媽更年期 成日乜都鬧:-(

好多成年人有困難、問題都唔想d兒女知，有d係為了面子，有d係出於愛意，唔想d兒女擔憂，只係想d兒女專心學業或工作。
你媽如正值更年期，因身體賀爾蒙產生變化，會有潮熱、失眠、心煩、暴躁、骨痛等，她可能無留意自己已改變的態度、言行，所以，在大家心景平和時，你需要告訴她 (或錄影比她睇) ，況且她沒有返工，你們成日聚在一室，難免有磨擦，所謂「家衰口不停」，d老人家就最唔like，而且久而久之成為大家的誤會+心病，這個結更難解開。
因我家人也如是，她理解自己的問題，於是更留意自己的言行。
每個盡責的母親都會緊張自己兒女，只不過他們的表達方式，唔係d兒女想接受，咁你等她心情好時，平心靜氣同她講，她係時候要放手、放下執著...讓你試吓做d你喜歡的事，也當然有你充足的理據支持，學你話 "就算我撞版 起碼有機會比我自己學點爬返起身..."，要令她明白你需要成長、有主見，將來也要獨力解決問題....
一家人最重要溝通，唔岩唔開心，都要說出來。
p.s. 如"有佢講冇人講"即她唔聽你話，咁她最聽邊個話??就需要此人幫忙同她講，friendly地提點她，咁她會容易d接受，不妨一試..。

Hi, 你好, 首先我想你知道如果你媽媽真的是因為更年期, 你可以當她是個病人對待, 因為更年期的女士會不時頭痛頭暈, 容易疲倦, 好多時都發熱會覺得熱得要死, 或者你媽媽太愛你地, 又唔想你地擔心, 所以冇講比你地知, 而且你話你現在16歲, 應該是新高中的一批, 可能你媽媽擔心你讀唔到大學為你的前途擔心, 同樣冇同你地講, 放在心裏, 冇法控制自己的壓力, 加上更年期的先兆, 所以就常常因小事鬧人.

而你也很明事理, 不想成日搞到家嘈屋閉, 所以忍得好辛苦, 期實你有否勇氣心平氣和去同你媽媽講清楚, 可能你講完後她會覺得你大過咗, 再不是小孩, 會尊重你的決定, 當然你也要給點成績比佢睇到, 其實成年人因為碰得太多釘子, 希望你地唔會同佢一樣, 所以事事關心, 當然過分關心會變成控制, 或許這是她太愛你吧 ! 鼓起勇氣去同媽媽溝通, 試咗得唔得冇人知, 但唔試就一定唔得, 其實你慢慢變為人父母時, 就會真真正正明白父母的心情, 現在點同你地講,你地都會唔明白, 慢慢來吧, 千萬不要去憎恨你的媽媽, 免得日後常感到自責,好似成日都對佢唔住, 當然更加唔好似上面果個咁動不動就話去報警, 因為你地有冇想過當你地唔聽話時, 你的父母有冇話要去報警拉你地.

祝你成功, 同家人永遠過着快樂幸福的生活.

我明你講咩，因為我屋企果個都係禁
唉....
日日就鬧人廢柴...
我好憎佢
佢打我
我就會想報警，但我個fd叫我唔好，我都唔知點做好....

2011-07-28 10:02:48 補充：
唉，我有諗過搵社工，但佢之前警告過我搵社工既話我只有死路一條....
都唔知點算好....>