急!!!!保安員的工作??????

1. 一架消防LIFT, 一定要係每一層樓都要去到.

2. 一般來說, 光管和電線損壞, 如非緊急情況或惡意刑事毁壞, 通常唔會即刻報CONTROL, 而係巡樓之後, 寫返張巡樓報告, 講明在那層樓, 那地方壞光管....就得.

3. 大停電, 後備電源會即刻供應整座大廈有限度照明, 控制室會即刻CALL 電力保養承辦商的工程人員來, 然後保安員要睇吓有冇人困LIFT, 而由於LIFT的用電量大, 令後備發電機不勝負荷, 應盡量鎖了不重要的LIFT, 有些用電開關的玻璃門可能開唔到, 要揾人巡晒啲門口, 睇吓有冇困人, 如果被困者呼吸因冷氣及通風系統停電而呼吸困難, 要揾方法救佢. 如果係屋村, 一樣要巡晒啲門口, 睇吓有冇人叫救命, 因為有些人是要用電動呼吸維生機維生的, 一次大停電, 已經會冇命, 要用盡方法救E啲人, 恢復電力之後, 又要巡過晒啲地方, 尤其要睇吓有冇人响後樓梯死咗响度.

4. 水浸: E啲係CONTROL做既嘢, 你如果係做兼職, 唔使識, 正如上面既大停電, 如果你唔係做CONTROL, 都可以唔識, 冇問題, 不過識咗之後, 你會做得更暢順.

都略略講吓啦! 你首先係即刻CALL CONTROL報告水浸, 跟住CONTROL會CALL人搬沙包, 將漏出來的水引到後樓梯, 亦同時會CALL人關有關閘制, 封咗漏水源頭, 有需要再叫人搬沙包, 封住LIFT門口底, 同埋升啲LIFT上頂層之類. 跟住CONTROL就會通知清潔來清理啲水.

5. 每個地方都唔同, 答你唔倒.

6. 火警:

抵逹現場後發現小火, 睇吓可唔可以用滅火器即時救熄, 如果可以, 即刻救火.

如果需要用上消防喉, 就要打爛BREAK GLASS先, 消防泵先會開動, 你先可以用喉救火.

如果係大火, 自已救不了, 就要即刻打爛BREAK GLASS, 等消防鐘响起, 然後拍晒門, 叫啲鄰居走, 同時報CONTROL.

點先通知消防? 你打爛BREAK GLASS, 消防車就會即刻到場救火.

點先可以入單位調查? 拍門, 在住客同意下進入單位, 如果唔同意, 就話俾果條友聽, 你個單位傳出燒焦味, 你自已睇吓發生咩事.

2011-07-24 21:07:46 補充：
7. 氣體泄漏:

首先, 在上樓前, 通知一聲CONTROL, 和樓下座頭保安員, 然後熄晒手提電話和對講機, 照樣係先搭升降機上召事樓層的下一兩層, 因為如果已經爆咗火, 你仲有機會走, 保住條命.

如果冇心事, 跟住你就會行上去, 到了召事樓層, 先在防煙門後的玻璃看看情況許可才開防煙門, 因為如果走廊起大火, 你一開門就會搶火, 到時你就會全身着火, 大大鑊, 如果在防煙門的玻璃處只看到煙, 乜都見唔到, 你就要摸一摸度門, 看度門熱與不熱, 才決定開唔開.

2011-07-24 21:11:47 補充：
現在就假設又冇煙, 又冇火, 開了防煙門, 到了召事樓層, 周圍聞, 看那間單位氣味最濃烈, 就拍佢門, 如有人應, 叫佢即刻睇啲爈, 如果真係有滾瀉嘢漏氣, 就叫佢即刻熄咗個爈, 開WINDOW, 開門, 以減少易燃氣在空氣中的濃度, 因為煤氣或石油氣的燶度如不足40%, 即使有火花也不會爆炸, 所以唔好怕啲氣漏出去, 一定要籍着通風減低濃度.