男性射完精後喺咪好倦?

你有冇聽過 "一滴精, 三滴血"? 每次會射成幾千萬嘅精, 即係會冇咗成
幾億嘅血, 你老公可能唔係倦到瞓著, 而係失血過多暈咗!

上面係講笑啫! 講真嘅, 你老公做完之後即刻瞓著, 其實你應該覺得開心!
點解開心? 佢做完即刻瞓著, 證明佢係好出力咁做, 所以做完先覺得倦!
點解咁出力? 即係證明你對佢好有吸引力, 佢好鍾意同你做囉!

至於佢未勃起就射精, 其實道理都係差唔多! 即係證明你對佢好有吸引力,
佢對住你實在太興奮啦, 所以未正式開始已經忍唔住射咗!
人哋話 "未曾心愛已無情", 你老公就話 "未曾深入已無精"!

由於你哋係新婚, 佢對你仲好有新鮮感, 所以做完即刻瞓著同早洩都可以
理解! 但如果過得幾個月, 佢仍然有咁嘅情況, 你最好勸吓佢去睇醫生,
無論係為咗佢, 定係為咗你自己!

不過有一樣嘢要記住, 當佢有早洩嘅情況, 千祈唔好有埋怨, 咁樣反而會
有反效果! 應該俾多啲鼓勵佢, 冧吓佢, 等佢重振雄風!

希望幫到你

Sick ! Sick ! Sick !