狗狗柴犬痕癢問題

去寵物店問人....買D CREAM比佢茶啦

2011-08-06 00:37:12 補充：
sorry...而家先見到你呢一個問題...

你去寵物店問..人地會拎比你....係有1隻FOR佢地痕唻荐嫁..

狗狗皮膚痕癢問題其實好複雜. 要知痕癢原因至可以治理和預防, 但係偏偏痕癢原因繁多而且很難確認.

季節性痕癢: 踏入春夏季, 好多狗狗都有抓癢脫毛問題. 多數同天氣, 濕熱, 或季節性植物有關. 保持空氣流通乾爽, 避開草叢, 避免日晒.
有需要可看獸醫開止痕藥.

如果係穀物等食物敏感, 或缺乏某種物質, 痕癢會是長期發生. 可到獸醫處驗血確認.
都可以當有穀物敏感, 轉食無穀物狗糧, 或者skin support formula狗糧, 都冇壞ge, 睇下有冇改善.
都有好多例子, 轉食家庭餐 or barf, 皮膚問題自動消失. (不過呢條係不歸路, 轉唔番食狗糧ga).
有幾種營養缺乏都會令皮膚痕癢脫毛, 參考:
http://hk.myblog.yahoo.com/homemade-dogfood/article?mid=2529
仲有一種 --- 鈉缺乏. (之前電視節目中, 陳啟泰提到餵他的狗狗飲 粗鹽鹽水 醫好皮膚痕癢. 不過冇提份量. 而且鹽份過多又會引增加腎臟負荷.)

亦要確認有沒有疥癬, 毛囊蟲, 虱咬等皮膚病. 自己唔識睇就搵獸醫la.

洗澡是否太頻密? 一般2-3星期用沖涼液洗一次已足夠. 太頻密會洗去保護性油脂, 皮膚乾燥會痕. 勤d梳毛抹身, 或洗溫水澡(不加沖涼液).

生活環境中, 有沒有引起皮膚過敏的物質? eg. 家居清潔劑, 沖涼液, 洗衣粉, 花草叢, 香水, 人造纖維......

有唔少狗狗抓癢的原因, 並不是因為痕癢, 而是 "無聊", 運動量不足.
其實柴犬生性原始, 運動量一d都唔少. 最少每日早晚各1-2hr.
精力過剩在家無聊就會容易感覺身痕, 玩攰左瞓覺就無時間R痕.
孤獨, 焦慮等心理因素會會引致狗狗抓癢脫毛.

以下有些"治標唔治本"ge方法:

戴頭罩, 可有效阻止狗狗用口咬毛, 咬皮膚. 不過狗狗依然會好痕好辛苦.

亦可嘗試每兩小時滴數滴"白X油", "驅風油"在患處附近, 狗狗不喜歡它的味道, 或舔過一次之後受了教訓, 就不會咬/舔有驅風油的地方. 不過油味散左會繼續咬. 舔少量無害, 不過棘到條脷會有D唔舒服.

每日2-3次用淡的粗鹽鹽水(最好係天然海鹽)抹患處, 可幫助舒緩痕癢.

查"黃油", "紅油"藥力會強d. 各約$100支, 都幾大支ga.

寵物店有查狗狗皮膚病, 皮膚痕癢ge藥膏, 種類繁多, 你問店員會介紹俾你. 一隻唔得就去第二間搵第二隻la.

"三條毛"沖涼液(malaseb medicated shampoo), 約$200, 藥性for皮膚病. 一星期用一次, 跟說明書用. 唔痕就轉番普通沖涼液, 唔好長期用.

"奶水" 沖涼. 寵物店未必有, 新界舊村藥房會有. 好平.

三文魚肉(白烚熟透, 去骨), 羊肉有助皮膚抗敏, 可混狗糧同吃. (記得扣番狗糧份量)

切勿"剃光光". 真係覺得狗毛太長, 都係"剪毛", 最少都要留番1-2cm毛保護皮膚. 見好多狗狗剃毛之後有皮膚過敏.

祝狗狗健康!

是指潤膚消炎膏藥嗎?