職業阻礙事業發展

2011-07-22 5:01 am

最近轉左新工，原本冇咩感覺，但返左一個星期覺得唔多 happy；因為之前份工係五日工作的，可以好準時走，都幾近屋企 (20分鐘內一定返到)，而家呢份係就係人工比之前多，但係老細係工作狂，經常 OT，而家工作長短週、忙過以前、又遠左、返工放工用多好多時間 !!

最慘係我阿媽好早訓，成日都練唔到琴 !! 份工又成日 shift，工作地點又好唔就腳，行出去租琴練腳程都返到屋企 ~~ 我老師同我既目標係五年內上到八級的，而家應該做唔到啦 ><

可能我咁講一定會俾人笑我冇大志，我只係個普通既女仔，教琴就滿足，我覺得寧願賺少 d 多 d 時間俾屋企，而家有少少感覺到職業阻礙事業發展 .... 都唔知點呀 ....

更新1:

本來都唔想講太詳細，但係我都唔想咁大誤會 ... 我好細個就開始學鋼琴，十年黎斷斷續續咁學，我已經考左 5 級樂理同 5 級鋼琴資格，5 年 8 級並唔係吹水咁吹囉 ... 只係要越要考上去，放既時間就一定越多，練習係進步既不二法門 ... 我 plan 過，教琴可以 part time 教，又可以叫學生上門學，完全唔阻婚姻 or 照顧 BB ~ 我男朋友覺得咁樣仲好，因為佢份工都好長時間，加上我又唔鍾意請工人，如果我都係咁忙咁長時間工作，點照顧家庭 ??? 我返工第二日老細已經叫我簽約，走要一個月通知 ...

更新2:

琴晚返到去都做唔到d咩，練左唔夠1個鐘琴，洗埋 d 碗倒埋垃圾都已經 10 點幾 ... 已經開始睇緊其他工，見喏既都apply，都算盡左我能力啦；始終都係覺得搵到先走安心d ~ 其實都好想快 d 走到，老細開始俾好多野我接手，如果仲唔快 d 走到時就一獲翹起老細，我個心唔安樂啦 ~~

更新3:

其實我媽媽係 8:30pm 準時訓覺 ... 呢樣都係令我時間控制上好困擾

更新4:

我媽晚晚都好早訓架，有時早到8pm，都真係早到訓唔著 ... 數碼鋼琴未必會買啦，因為手感完全唔同...

更新5:

除左媽媽早訓覺，返左 10 左右，真係忙過以為好多 ... 忙完一大輪已經冇乜精神練，D 歌又唔熟，已經咋病唔上一次堂 ... 真係好難想像以後既日子會點 ...

回答 (5)

Dent

2011-07-22 8:43 pm

✔ 最佳答案

我完全唔覺得你冇大志，而且你可以為左屋企同理想有呢種諗法，真係好好~

唔知你過左試用期未呢? 如果你暫時冇咩經濟問題，有冇考慮過搵第二份，近你屋企、時間又穩定嘅工呢?

其實我自己都想好似你咁，學琴再教琴，可惜暫時冇能力做到~

既然你有呢個志向、又有能力，應該好好向呢個理想進發，發揮自己興趣同所長。

2011-07-22 21:30:00 補充：
我都係建議你搵第二份工好D~

其實一個月通知唔算係問題，假如你到時見工，面試官喺CV 度睇到你係返緊工，佢又肯見你的話，多數都容許到你一個月後先返到工。而且..撇除學琴呢件事，我相信你都會因為其他因素而令你考慮轉工~

學琴真係要多D 時間去練，對我嚟講三分天份，七分努力 (好多野都係)，再者你咁樣問得，自己又有同你男友(&屋企人!?) 傾過、plan過，已經唔會係咁易放棄呢個興趣、理想嘅表現。

2011-07-23 19:06:15 補充：
10點幾對部份人嚟講係夜嘅，如果你話練得果一個鐘唔夠，就視乎你肯唔肯再練夜少少...除非你份工係返好早或者體力唔夠的話，就真係唔好太勉強。

你搵到第二份，通知埋一個月先走就當然最好啦，一來真係好似你講會安樂D，二來唔洗賠錢俾佢~

如果佢而家開始俾多D 野你做，到時你可能都會覺得翹起佢，但既然你已經有哂計劃，就唔好為一D 過客而覺得唔安樂。

2011-07-24 12:05:20 補充：
咁屋企人咁早訓覺，時間上又真係幾難控制嘅..

除左轉工外，會唔會考慮買個數碼鋼琴呢? 雖然手感唔同，但起碼tune到聲量~

2011-07-25 17:37:41 補充：
8pm...又真係好早@@ 咁...似乎都係轉工先就到你時間~

明白...因為N年之前興趣所致，自己喺學校借音樂室個琴用，返到屋企就電子琴，的確會影響練習~

2011-07-26 22:35:33 補充：
我唔太清楚你點練習...將D 歌分開幾PART 練會唔會較好?

你之前話搵緊第二份工，就唔需要將現有嘅返工、生活模式去諗將來日子，咁樣只會無形間俾自己壓力~

👍 0 👎 0