家裹的狗有大量牛蜱

1. 轉用 frontline plus, 殺埋蛋.
不過 牛蜱, 虱 仲會跳上身, 要咬左至死, 未咬仲會留係身度.

2. 市面很多虱帶功效成疑, 用過有效的有 Virbxc, Hartx.
Virbxc 藥力較強, (醫毛囊蟲的), 建議不要長期使用.
當虱帶藥力減弱, 要拉虱帶兩端, 讓中間的藥粉走上面維持藥力, 否則未到期就冇效.
最好出街至帶. 若在家長載, 一定要修剪好長度, 不要給狗狗咀巴碰到, 會中毒的. 也要留意勿讓同伴吃到.

3. 去街前先用 防虱噴霧. 不過返到屋企我會抹身, 驚狗狗舔到中毒.

4. 家居來一次大清潔吧. 用 煙霧滅蚤劑 "炸"一炸全屋, 吸塵機吸晒d屍骸, 再用寵物清潔劑抹乾淨, 過水.
狗狗的床舖也要消毒清洗.
之後, 狗狗的床舖也要定期清潔, 日晒.

4. 聽過一個民間方法: 每月餵食一次 新鮮的本地黃牛 牛脂肪, 約1立方吋份量, 洗淨生吃勿飛水. 吸收牛蜱熱的抗體, 增加狗狗抵抗力, 俾牛蜱咬到都冇咁易染上牛蜱熱. (即類似人類種牛豆原理). 不可以是外地牛.
但要注意, 狗狗食唔慣, 可能會肚瀉. 所以開始時要少量, 逐步增加至適應.
狗狗要定期杜蟲.
呢個方法唔防牛蜱, 但係預防狗狗牛蜱熱發病.

5. 不過試過最平最方便最有效, 都係每次去完街, 檢查全身, 即刻人手捉走.

6. 確認已捉虱, 牛蜱一定已死. 要用尖銳物品擠壓至"爆肚". 只是壓扁或沖落馬桶是不死的, 會爬返上黎留係間屋度.

7. 可以的話, 屋附近定期除草.
若是狗狗不會到的草堆, 可潑洒"打草水", 野草好快榭, 冇咁快生. "打草水"新界舊d藥房至有得賣, 約十幾蚊樽, 冇牌子.

我都系住系新界，我只狗狗用Frontline plus ！聽講好似勁D，連未成長噶蛋都殺死。而家我只狗狗兩歲都未試過有牛蜱，我地仲晚晚都落街散步添。。

如果你只狗狗經常放系有泥噶地方活動，當然唔系踩系泥度。只要有泥有花草樹木噶地方都容易有牛蜱。建議你試下轉Frontline plus 幫距滴，最緊要系少D接觸有泥噶地方，特別系草地，好多人以為草地比狗仔玩好，其實好污糟。同埋勤力清潔家居，都對狗狗健康有幫助咖！

希望可以幫到你！