我係萬寧做!!!!請病假冇醫生紙會點?(急問)

首先你要睇清楚你嘅員工手則, 如果唔清楚最好問一個你信得過嘅同事!

問清楚請一日病假係唔係一定要醫生紙? 因為有啲公司係會接受請一日
病假唔駛俾醫生紙嘅!

如果一定要醫生紙, 咁你只得兩個方法, 唔出聲, 希望上司唔記得追你嘅
醫生紙, 或者坦白從寬! 不過, 你上司唔記得嘅機會實在太微, 其實你只係
得坦白從寬一樣!

你可以話俾你上司知, 你請病假嗰日喺屋企瞓足一日, 所以冇去睇醫生,
亦都冇醫生紙! 當然你上司答案只得兩個, 接受或者唔接受!

接受當然最好, 如果唔接受, 答案又會有兩個, 一係當你嗰日請假, 扣一日
人工, 其實咁樣你已經執到! 因為佢有權當你曠工, 而後果就係收警告信,
甚至乎收解僱信!

至於買醫生紙, 你諗都唔好諗! 呢種係犯法嘅行為, 你以為會有人教你?
俾人知道, 你同埋教你嗰個人嘅前途都會冇晒! 面對現實啦!

希望幫到你