我應該點做好?

其實依家有兩個可能:

1. 喺你哋中間斷咗聯絡嗰段時間, 佢已經同第二個拍拖! 所以佢好似無
之前對你咁好, 因為你只係佢嘅普通朋友, 佢唔想令女朋友誤會!

2. 佢冇同第二個拍拖, 但亦冇打算同你拍拖!

你對佢就好似阿媽教仔咁, 我可以好肯定話俾你知, 男人最憎就係俾女人
管住, 就算佢以前有講鍾意你都頂你唔順, 更何況你從來都唔係佢邊個!
佢以前話唔想拍拖, 未必真係唔想拍拖, 只係唔想同你拍拖! 明白嗎?

另外你話佢喺破碎家庭中長大, 所以佢對愛情完全冇信心其實係好正常!
呢樣嘢要靠佢自己諗通, 加上有一個令到佢鼓起勇氣嘅女仔先可以!
但我諗佢唔會搵一個似佢阿媽嘅人 (即係你) 做女朋友! 明白嗎?

如果你仲係鍾意佢, 緊佢, 同唔捨得佢, 就試吓下面嘅解決方法:

1. 開心見誠問佢係唔係已經有女朋友? 如果有, 你唯有死咗條心,
因為你曾經同佢好有機會發展都唔得, 呢啲就係叫做有緣無份!
不過最緊要收拾心情, 迎接第二個男你, 只要你唔抗拒就有機會!

2. 如果佢冇女朋友, 就開心見誠問佢係乜嘢原因唔想同你開始?
如果係因為怕你煩, 你就應承佢唔會再做佢阿媽啦, 不過改到至好喎!
如果係因為破碎家庭有陰影, 你就應承同佢一齊克服, 俾啲信心佢!

最後, 你話你付出得多,但係收返少, 我就話你多到過晒火位! 後生女,
希望你可以聽我勸, 以後無論係呢個男仔, 或者係其他男仔, 做番女朋友
嘅責任就夠, 千祈唔好做埋佢哋阿媽嗰份!

希望幫到你

網上兼職 月入3千到萬元
http://www.success-hk.net
我都月入5千