有線擅自幫我續左約，點算??

六月初收到有線電話，話我係長期客戶，又話個寬頻機依家係10M，網路唔再支援，幫我換我50M，唔收錢。原本我以為無事，加上我真係有線長期客戶，咁我應承左。點知，換左寬頻機，上網速度極慢，甚至上唔到網。打去問，又無人覆我電話。到我打到啦，佢又話又工程(約一星期)。一星期過後，上網都係無改善，咁我再打上去問。一問之下，我發現原來佢無端靖幫我個約由原本去到12年10月改到13年6月。我問點解，佢話係我轉寬頻機時已口頭答應左。我當然記得無咁嘅事，佢地話會查錄音，三日後覆我。點知過左五分鐘，有個小姐打黎，話無條件幫我改返合約，再將我個寬頻機改返10M(佢話其實10M果個係用得嘅)，然後，三日內寄返合約內容比我。當然，三日都收唔到合約。三日後再打去問，打好多次都只係叫我留電話(次次都無覆)，但係用我老公電話，一次就打到。之後，我問佢我收唔到合約，而佢地好似乜都唔知咁(即係無跟進過)。我勁嬲，話如果佢地再唔跟進，我會去投訴及報警，佢地之後應承我7月15日前答覆我。7月15日，收唔到回覆，打上去問，又係乜都唔知，即係又無跟進過。之後，我話要報警，佢地先話會係24小時內覆我。我真係勁嬲，我唔明點解佢地會有咁嘅服務，而且，我真係好想知道，除左報警，仲有無其他途徑可以幫我處理左件事佢呢????我以後都唔會再用有線啦!!!!!!!!