今晨在家腹瀉，暈過去超過半小時，暈倒時撞傷了頭。
12點看醫生，下午約3點去銅鑼灣購物。
在sogo超市挑選了兩盒咖啡(各價值30多元), 1瓶梅子茶(18.5元)。其後在朱古力counter買了4盒朱古力(價值600多)，sales給我一個很大的購物袋盛載4盒朱古力，接過時就想，剛好用來裝那瓶很大的梅子茶，故順手就放進去。一點沒有意識到沒有付錢。接著拿著咖啡去付款。然後放下購物車，拿著所有袋子乘搭扶手電梯上2層，離開sogo。走出sogo的當時記憶中也在撥打電話，聽到身旁有人說"小姐，你袋子裏有1瓶茶好像沒付錢"。當時第一反應沖口而出:“茶？沒付錢？！”，接著立刻想起，並立刻向那人和隨同的保安道歉，"對不起，忘了付款了，真不好意思。"
接下來就是前往保安室，警察來錄口供，帶返灣仔警署。其後軍裝警員寫口供，負責的CID進來說，你偷東西的行為很清楚，就算上了法庭也沒得打，不如承認一時貪心，認罪了最多罰錢，大家都省事。因本人確無意圖或意欲做這樣的事，故向CID坦言，我確實做錯事了，但純粹是疏忽大意造成，如果這種行為構成偷竊，我承認，但絕對不是因“一時貪念”，這樣說法有違事實，對我也不公平。而當時身體不適，精神有點混沌，可能也有影響。最後軍裝警員寫下我的說法"我不小心拿了店鋪的東西，忘記付錢“。CID則建議我在他再度落口供時說”不願意回答任何問題",等上庭直接跟法官說。我同意並照做。
急求有經驗的師兄或律師朋友，告知這樣的個案有否機會打掉不留案底？有沒有好的律師介紹？律師的收費大概怎樣？(本人怕經濟上負擔不來)。
店鋪盜竊，未認罪，下週上庭，請問有什麼建議？有否好的律師介紹
2011-07-15 8:52 am
回答 (6)
2011-07-16 7:32 pm
✔ 最佳答案
好多人犯店鋪盜竊, 都話 “一時忘記付款…”. 十個有九個都係咁, 法官聽到厭.之不過, 你係第十個.據我經驗, 店鋪盜竊者大多數偷細唔偷大. 唔係指銀碼, 而係指 size. 偷支大size嘅梅子茶, 不如偷兩盒咖啡, 易d收藏. 偷大唔偷細, 唔合邏輯. 而且買600幾蚊嘢偷十幾蚊, 亦唔合邏輯. 通常店鋪盜竊係攞十幾蚊嘢去俾錢, 袋入面就幾百蚊賊贜... 既然無mens reus, 咁就入唔到盜竊罪條例[Cap. 210 s.2]入面嘅 “dishonestly”, 所以你單case係有得打嘅.但係, 律師收費一d都唔平. 店鋪盜竊通堂打3堂. 以一單court仔 case請個10年經驗嘅大狀, 收費大約 $20,000一個brief (第一堂連睇文件、開會), 跟住$10,000一個refresher (其後每一堂). 即係打3堂, 大狀就收$20,000 + $10,000 x 2 = $40,000. 事務律師收費大約大狀嘅一半, 即係 $20,000. 再加 $3,000雜費, 盛惠 $63,000. 你單 case會係court仔 (裁判法院) case, 唔一定要請大狀. 請事務律師打, 都要大約$25,000.見到你單case幾慘情, 我即管幫你多少少. 因有 conflict, 律師我就唔方便介紹你. 但係, 如果係我接呢單case, 我會點打呢? 我即管將我嘅 “心路歷程” 話你知. 嗱! 我只係以私人身分同你分享我心路歷程咋! 你提到有購物車, 係咪即係話, 當日你將袋朱古力放咗落購物車度, 行咗一陣,再見到撙梅子茶, 就放埋落購物車度. 之後又放埋兩盒咖啡?! 如果係咁, 你放錯咗樽梅子茶入個朱古力袋內, 俾錢時見唔到樽梅子茶, 亦唔為意及忘記咗梅子茶, 只係從車內攞起兩盒顯然易見嘅咖啡俾錢. 俾完錢, 一抽就抽起幾袋嘢行咗去. 你根本無存心偷樽梅子茶. 呢個絕對有可能發生嘅scenario.既然有第二個可能, 就唔係毫無合理疑點啦. 咁即係唔可以判你有罪囉.明唔明? 再有問題請email我.2011-07-16 11:37:24 補充：
個CID都算好人 / 正直, 叫你落口供時說 "不願意回答任何問題". 事實上, 九成人入罪, 都係因為喺差館亂講嘢, 寫哂落口供, 到上court , 時大狀想救都救唔到...
參考: Veni - Vidi - Vici
2011-07-16 12:57 am
警察比你d建議唔好聽.....你現在去搵法援..或上庭當日搵當值律師服務幫你辯護啦....
2011-07-16 12:55 am
2011-07-15 7:42 pm
You will be prosecuted under Hong Kong Ordinance Chapter 210 Section 2:
"如任何人不誠實地挪佔屬於另一人的 財產， 意圖永久地剝奪該另一人的 財產， 即屬犯盜竊罪， 而“竊賊”(thief)及“偷竊”(steal) 亦須據此解釋。"
Under Section 3 of the same chapter:
"(1) 任何人如─
(a) 相信他在法律上有權利代表其本人或 第三者剝奪另一人的 財產； 或
(b) 相信另一人假若知道某項挪佔行為及其有關情況後會同意他如此辦； 或
(c) (除了他是以受託人或 遺產代理人身分獲得財產外)相信採取合理的 步驟亦不能找到擁有該財產的 人，
則該人挪佔屬於該另一人的 財產， 不得被視為不誠實。
(2) 任何人挪佔屬於另一人的 財產， 即使他願意就該財產支付代價， 亦可以是不誠實的 。"
Your biggest chance in winning this case is to focus on dishonesty.
It is time for you to find a lawyer. Also, you should secure as much medical evidence as possible as they can prove your innocence.
"如任何人不誠實地挪佔屬於另一人的 財產， 意圖永久地剝奪該另一人的 財產， 即屬犯盜竊罪， 而“竊賊”(thief)及“偷竊”(steal) 亦須據此解釋。"
Under Section 3 of the same chapter:
"(1) 任何人如─
(a) 相信他在法律上有權利代表其本人或 第三者剝奪另一人的 財產； 或
(b) 相信另一人假若知道某項挪佔行為及其有關情況後會同意他如此辦； 或
(c) (除了他是以受託人或 遺產代理人身分獲得財產外)相信採取合理的 步驟亦不能找到擁有該財產的 人，
則該人挪佔屬於該另一人的 財產， 不得被視為不誠實。
(2) 任何人挪佔屬於另一人的 財產， 即使他願意就該財產支付代價， 亦可以是不誠實的 。"
Your biggest chance in winning this case is to focus on dishonesty.
It is time for you to find a lawyer. Also, you should secure as much medical evidence as possible as they can prove your innocence.
2011-07-15 7:39 pm
你嘅案件背景係有得打嘅!Theft嘅定義係己不誠常實方式取去屬於他人的財產而意圖永久另該物主喪失有關財產。所以關鍵在於意圖。如你有醫生証明你當時有病並在服藥期間再力陳當時情况我相信有机打甩。
冇錢可揾當值律師不過你過咗第一堂决定不認後個官會可能話比知去邊個court審屆時你有錢嘅話最好揾番個官個師傅做你大狀。
冇錢可揾當值律師不過你過咗第一堂决定不認後個官會可能話比知去邊個court審屆時你有錢嘅話最好揾番個官個師傅做你大狀。
2011-07-15 5:20 pm
會可能罰幾百蚊, 及留案底. 因為你曾睇醫生及食藥. 精神受藥物影響, 而且貨品當中未付款的金額只約5%. 證明你是有意付款. 如果你係專業人士, 我建議你請律師打, 否則自辯亦都有機會的.
收錄日期: 2021-04-18 15:21:07
原文連結 [永久失效]:
https://hk.answers.yahoo.com/question/index?qid=20110715000051KK00062