表達能力有問題!!!

睇書?睇多D電視好過啦,又可以學到應對,
雖然TVBo既劇集好多都好誇張,不過佢都有好多盞鬼語句、潮語同成語可以學習

其實我覺得你只係自信唔夠先咁在意自己講野o既
其實你要先接受自己表達能力比很多人差這個事實
但係你唔洗自卑唔洗驚比人笑,
因為一定仲有比你差甚至講野完全無point、口吃等等各種人,因為我都見過,
比人笑, 反而你應該學下點應對,
例如不屑同不肖呢個例子,
其實你可以好大方咁話側田唱kong都係唱「不肖 不信 不怕……」你甚至可以搞返gag回應佢,如果你諗到

講野方面 我覺得你可以先諗左你要講既野既重點才講出黎
好似你果d形容詞如果係關鍵詞就應該諗好先講
如果係無關緊要o既不如唔好講算啦...

希望幫到你, 有咩可以再問~

2011-07-17 21:29:24 補充：
其實最在意你D錯野既只係你自己!
有邊個會記住你D衰野架?你諗下你D朋友,你有冇記住好多佢地既瘀野、錯野?
好多時係自己放大左一D唔好既感受同情緒, 甚至以為其他人都會在意會暗笑...
但事實係人地根本唔會將D小事放係心上!
所以你根本唔洗諗咁多人地點睇你,而且唔係你控制範圈內
你只需要接受左自己既為人就係咁,

你知道你口才比身邊 o既人差d,ok!
姐係你既優點唔係口才方面, 咁你一定仲有其他擅長o既地方!
因為每個人都係獨特o既, 你就要接受自己獨特之處!
講野唔叻唔代表IQ一定低, 至少你唔會有理解障礙、唔會講野有頭冇尾或者毫無重點......　　
讀書叻, 運動叻、細心、有主見...

2011-07-17 21:49:00 補充：
呢D都可以搭救, 而你一定要先接受自己係咩人!

識多D野,上網/睇書唔係唔得,
不過我覺得傾多D計會知多好多野,
你諗下你睇十分鐘文字可能先幾個段落,人地傾計已經對話左至少十次,而且2人有互動!
同埋都係果句, 練下應對, 唔識講野唔緊要, 最緊要知道點答人丫咩時候用咩語氣等等(開玩笑?串嘴?軟?硬?..)呢D都係熟能生巧o既
每個人都會有情緒,但你唔洗介意人地點睇你搞到自己唔開心!
有咩就講,做返自己就得!
自信唔係一時三刻話建立就可以擁有既野,
你要慢慢調整你o既心態!明唔明?

最後我都要多謝你讚我..哈,還是第一次被讚有創意=D

關於口才的問題,是有關語言的修養和修詞的問題。普遍來說,女性比較男性的口才優勝;而生長在書香世家又比生在農村的較優勝。但世事亦常常有例外的,祇要努力勤加練習必定會成功的。關於這方面成就的人,在現今世代也不算少數;他們各人有其一套訓練和學習方法;主要是1)多練習閱讀名人或自己的演講詞,藉以熟諳其奧妙抑揚頓挫的語氣;2)多往參與演講會藉以吸取經驗及磨練;3)要盡力避免害羞的,要時刻克服害羞;才能達到口若懸河絕不畏懼。

你不是表達能力有問題,好多時這裡有些網友的問題,就真的表達能力有問題了,問題既無重點又無講清楚詳細情況,都唔知佢想點!
其實你的表達能力完全無問題,你現在都可以好清楚咁將你的問題詳細咁表達出來呀!

我以前都有你呢d情況,自己想講乜寫出來無問題,面對面講就唔掂,唔係口窒窒就辭不達意,面對不熟悉的人更加會面紅紅口震震都講唔出聲!
後來我發現有時可能係對自己要求高,唔想講錯野衰俾人睇,唔想用太粗俗詞句,但越心急越講唔出適當的句子,變成腦中一片空白,搞到臉紅耳赤!

其實呢d主要係信心問題,只要自己唔介意講錯野就無心理壓力,自己又不是登台演講,大家閒聊講錯使死咩?
如果充滿自信,啱唔啱都講左先,就是講錯亦最多更正啫,人地笑又有乜問題?
當對自己回復信心,解除了心理負擔,不再患得患失,說話就自然會流暢的了!

睇書的確可以擴闊視野,點會無用呢?
你希望增加哪方面的知識,就多些看哪方面的書,不論是自然科學,詩詞文學,旅遊知識,只要多點看這方面的書籍,一定會增加這方面的知識,就是一般的報紙副刋散文,都可以給自己增加談話資料及詞彙運用呀!

講野之前先在腦中組織好才說,這是正確的方式,這樣說話就可以比較有次序有條理!
想自己說話流暢,語音正確最好多些唱歌,朗誦,平時亦可以對著書報一段一段的大聲朗誦,這都對說話能力有幫助!

2011-07-16 09:08:29 補充：
我給你一句我的座右銘,就係,
唔需要介意別人怎樣看自己,最重要係自己點睇自己!
既然當時自己的表現係叻或者蠢係事實,介意唔介意都改變唔到,點解唔肯欣然接受呢?
人地睇衰自己都無辦法,如果自己都睇衰自己仲點有進步呀?
多d笑會令自己開心d,多d笑亦給人友善的形象,只要你時時笑口常開,面對任何尷尬情況都會迎刃而解!