我中意左個人，點同他表白？

um... 由於你提供嘅資料好少~
唔知你系唔系同佢一間學校, 唔知你幾大, 唔知佢幾大, 你地熟唔熟 = =

你可以明示/ 暗示!!
先講明我系女
我唔系話好清楚男仔ge稔法
不過通常嚟講
你必須要做明D佢地先會get到你系中意佢
你唔知佢知唔知你中意佢
呢樣唔重要
最重要系你要話俾佢知你中意佢

如果你個人比較放, 你大可以大大聲同佢講
如果你唔介意俾其他人見到嘅
但你要同時兼顧個男仔嘅性格+稔法
好爽朗嘅應該唔會介意
如果你覺得尷尬嘅, 當然就唔好啦

你亦可以約佢出嚟同佢面對面講
呢個方法比較適合
因為大家都可以講清楚自己稔法
同埋好似冇甘兒戲
當然你地熟嘅就比較方便約
但唔系嘅就可以要從個男仔嘅朋友瞭解下佢中意D咩, 中意去邊先好

另外, 寫情書/卡/送野+心意卡個D都得!
唔洗寫好多
簡潔地講左你對佢嘅心意就ok!
同埋要問埋佢會唔會接受你+接/唔接受點樣話翻俾你知
你中意嘅可以話埋: 如果可以可唔可以出嚟傾傾?? (當然放系後面先講)
呢個方法唔會好似面對面甘尷尬
而且又show到你嘅心意
是不錯嘅選擇!! :))

不過如果個男仔同你根本唔熟or未傾過計
你無啦啦有表現會太突然
一定起碼同佢有傾過幾次計, 起碼要瞭解佢多D先

如果佢有girlfd, 一定唔可以表白!!
破壞人地感情絕對是大忌 (冇嘅可以ignore, 因為你冇講 = =)

遇到拒絕, 唔好太傷心
可以做以反省, 或許佢真系唔適合你, 唔好太執著
D男仔如果唔中意你嘅
做咩都唔會令佢中意你, 除非佢發現原來你系最好嘅
但呢個真系要靠緣分!! 凡事唔好勉強, 但對感情要認真喔 :D
祝你成功哇~!!!

比D暗示佢，
等佢知道你對佢係點，
再約佢出黎，
單獨再同佢講清楚，
最好搵D靜D既地方啦，
費事比人見到嘛。