廣州自由行!!!急!!!快比意見

你好呀~我岩岩七月十一號去完長隆番黎,所以可以解答你長隆的問題~
*
長隆內四個景區,每個景區入口都有售票點買門票,所以到左入口先買一定買到,不過你就要同好多本地人迫,因為大家入場的時間差不多,一定好多人排隊買飛...單買一張門票一定最貴,平均HKD2XX一個樂園,可選擇買套票,即一日內進入兩個樂園,咁就會平幾十蚊...以我地今次經驗,到左用入民幣買門票還是係香港用港紙買定門票的價錢差不多~我地選擇幫襯中旅社,一日內進入兩個樂園的價錢係HKD448,油麻地旅遊平HKD10,不過每次問價都唔同,仲要受氣添所以唔幫襯...亦可選擇跟永東一類直通巴公司買門票,價錢都差不多~
所以為左慳時間,都係買定上去先~
*
如果你想去晒四個景區,三日兩夜最理想(水上樂園/動物園+馬戲/機動),不過咁玩法一定支力鬼死...建議兩日一夜玩三個...已經足夠體力透支...
*
可以留言討論行程安排呀~希望玩得開心~

你上去睇下@@大把酒店比你選擇 你可以自行比較下再book囉~
http://www.besthotelonline.com.hk/specialoffers/guangzhouhotels.html
p.s上次去旅行book完幾滿意

1. 你可以係香港既遊行社代訂廣州酒店，或登入攜程旅行網www.ctrip.com，選擇合適自己的酒店。該網頁是免費登記成為會員，預訂酒店亦都是免費的，通常都是到酒店CHECK-IN才付房租。

2. 可以在長隆官方網頁上預購門票，可享折扣優惠，或直接到樂園門口購票。
http://www.chimelong.com/index.shtml

3. 視乎你在什麼地方前往上下九步行街，可以乘搭地鐵一號線前往長壽路站，距離步行街數分鐘。
上下九步行街，最要是售賣流行服式。可以欣賞西關騎樓建築，及品嘗地道老廣州美食，如始創清朝年間的陶陶居，牌匾是清朝廣東康有為提名。有百年歷史的蓮香樓，及廣州著名的廣州酒家等等。

4. 在最近上下九步行街的長壽路地鐵站，乘搭地鐵一號線前往廣州東火車站，票價4元人民幣。