我覺得好唔開心. 唔知同邊個講 所以係到講下 就係咁既 我係家中大女升中七 有個妹 父母都係低下階層 本來屋企夠洗夠食都冇乜所謂…但係今年4月老豆退左休 係佢退休前呀媽已經係咁叫佢早啲考保安 老豆就係咁話得啦得啦 退左休都未遲 又成日話:我去做一萬蚊有幾難姐?!你同我定啦.哂氣!由果陣起屋企已經冇靜過TT然後老豆退左休去考保安 到考完有第一份保安工作已經係5月 佢做左幾日就辭左職 話曬. 冇同呀媽商量 又未搵到第二份就辭左 屋企嘈左好耐…老豆辭左工跟住又日日坐係屋企睇報紙 煮下飯咁 但係屋企真係唔夠開支.佢由4月到依加都做左幾份保安 全部都係散工 一係曬一係辛苦 佢好唔想做 仲有老豆唔肯熬夜 所以一直都搵唔到長工. 到依加佢又冇野做. 呀媽做清潔 成日比人cut鐘 日日趕開兩三份 買餸整餸 七八年佢都日日如是 雖然佢成日話辛苦 一心情唔好就鬧人 但係佢為頭家都照做 做到依加隻右手日日痛 係呢幾個月 老豆收入未穩定過 呀媽覺得好大壓力 佢話唔要頭家佢背起 老豆就做哂家務 呀媽係果啲會擔心生活開支既人 所以佢日日係屋企鬧人 每行一步每做一年事都係發緊脾氣 呀媽一鬧就係幾個鐘 或姐全日 係咁話老豆唔死都冇用 講好多難聽既說話. 而老豆繼續唔爹唔吊 一句聲都唔出 一出聲就發窮惡 慢慢係屋企做下家務 等下電話 睇下報紙 番下辭下咁 我覺得老豆唔想做野 諗住呀媽份糧養全家 呀媽話手痛 佢就叫呀媽唔好做 其實老豆係果啲好鐘意享受既人 最鐘意去旅行 連今日睇報紙都係睇緊旅遊 唔係搵緊工 係到等電話 佢誠實 擔屎唔偷食 人地一句說話就真係係屋企等電話 唔去搵住 佢話萬一人地打黎佢做緊第二份點算 唉我真係無言 咁易搵就唔會到依加都未有長工 日日要人擔心 日日家嘈屋閉 心酸…但係我冇話過老豆 因為我覺得自己冇資格
比呀媽成日話我咩都唔做 我都冇乜出過聲 因為我真係冇做 想多啲時間讀書呀妹會做野? 佢采妳都xx 下下同我計住 要公平喎 佢講少句粗口鬧我乖少少唔好成日發我脾氣我都偷笑 我升中七啦…會考又考得唔係咁好 讀書辛苦 算得乜野 冇人關心下讀成點 遲下揀咩科 算 淨係想專心啲考好個試佢 日日屋企嘈到拆天 唔係你鬧交就佢係到嘈 我人都癲. 其實我已經好耐冇開心過 成日夜晚係屋企喊 搵鬼知 同朋友講 全部唔係排最細就係不愁衣食 搵鬼明 出去玩下 有鬼錢 莫講話出去玩下 連同人出下街都要同呀媽申請 由細管到大 即使以前老豆有野做 即使我有零用錢 都 唔 比 洗! 唱下k話有壞人 溜下冰話哂錢 做乜都唔得. 想唔宅都幾難. 唔講啦我眼淺.睇到呢到既容許我說聲感謝!
更新1:
pak yimce,,,
多謝你同我講咁多你既野=)
不過,,你都唔好唔理屋企啦,,
果啲都係以前既事,,,多啲打電話關心下父母,,,唔好第日後悔=)
Alex,,,
thank you...我明白你講咩既=)
