買點一次代表沉迷打機

成龍大哥也有說:"不可一，不可再"

買點通常都是為了以下原因:
1. 1/7/30天數限制的裝備/服務 <---很方便的服務(復活/倉庫)
怕浪費天數的時間便會每天多玩了遊戲,以致沉迷

過了1/7/30天數,你會再買第2次嗎?如果不會,那你為什麼要買第1次呢?

2. 用點買永久裝備/服務/角色/寵物
遊戲是不停更新的,裝備/服務/角色/寵物也不停更新,
那麼便會有新的用點道具/服務,

你會買第1次,為什麼不會買第2次呢?
遊戲中擁有愈多的東西,便愈難放手不玩,這是沉迷原因

3. 物以類聚,你會買點,遊戲中的朋友至少有部份人也買點
為了和他們"一夥",會愈買愈多點來弄強角色
而且結交了他們,會大大增加遊戲時間,以致沉迷

2011-07-13 00:25:45 補充：
想知自己有冇沉迷好簡單,
贈你六字真言:
"拎得起，放得低"

即係如果有人叫你而家唔玩,可以立即關機/唔玩,
即係如果有人在你打緊機個時同你講野,可以完全唔看mon,望住人地回應對方.

hi~你好
或者我可以分享關於我ge經歷畀你參考一下。

其實我之前都沉迷打機左好幾年。初時打機都相信自己唔會沉迷，仲為自己訂立一日玩2個hours呢d規矩安慰自己。但每次都會過2個hours(4-5hours)。

即使立違反左自己ge諾言，但冇人願意睇到自己係一個沉迷打機ge人("其實我覺得買點(一次)唔代表會沉迷"閣下昵句說話同我一樣，都係係到立d規矩安慰自己，支持自己繼續打機。)我都試過畀錢買虛擬物品。第一次用左百幾蚊，第二次2百幾錢.....d錢越用越多。我多次安慰過自己呢次係最後一次買，冇下次。

其實打機左1~2年之後，我都意識到自己沉迷左，但一直不願意面對。一直不斷安慰自己。直至近來，我開始去面對呢個事實，我會搬出一大堆理由想幫助自己戒左打機。但作用唔大。機繼續打。

其實對著一個沉迷左打機或者認清自己沉迷ge人講出一大堆打機ge壞處、後果來停止沉迷係冇用ge。你內心只會不斷掙扎，掙扎必須要放下，觀察下自己打機ge過程，就好似你媽睇到你沉迷一樣。在觀察之中自然會有所體會。

近來我似乎看通左，我將自己所有虛擬物品都畀晒d player，己經冇再打機。宜家做緊自己真係想做ge野。

希望幫到你:)如有唔明，歡迎發問，我會盡力幫幫你:)thx

其實我諗就算你唔買點,就算你只係岩岩log in入去都好啦,你丫媽見到你打機,都會照樣話你沉迷嫁啦= =我認為所謂既沉迷並係指你究竟花左幾多錢係隻game度,我覺得所謂既沉迷係指你每日一定要打機之餘,而你又發現當你開始左打係冇辦法停止既時候,先至算係沉迷(即係你其實覺得要停嫁啦,但係就一路為自己搵籍口,例如再打多半個鐘咁,總之就係覺得自己好難去離開個位),仲要,佢會令你唔想同朋友玩,唔想食飯,唔想訓教,成績會退步等等,如果只係每日打1-2個鐘咁樣,呢個我覺得呢個係可以接受既~不過父母通常都唔理,總之佢就係覺得你打機就係唔好,一定會影響你d成績既,我諗你唯一可以做既方法咪就係下次醒目d,一買左,入左點之後,就拿拿林扔左張卡佢囉@@話者,如果你丫媽係比較明理既,我覺得你可以主動同佢傾下你既睇法,同埋建議同佢約法三章(即係我一日只會打幾多個鐘丫,又會用幾多個鐘溫習之類),呢個唔單止可以表達到你既想法,亦會令你媽咪覺得其實你自己係清晰既,會比較容易妥協,但當然你自己一定要遵守啦,唔係比佢發現左你冇守信用,你將會死得仲慘- -但如果你覺得你丫媽係果d即使你解釋左都係冇用,一咪只會認為打機就係錯既人的話,咁你咪唯有避得就避,唔好比佢知囉@@

2011-07-13 00:20:14 補充：
打左好多字- -"仲要佢自己痴埋晒做一舊野(我都唔知點解會咁,係佢自己痴埋晒炸,並唔係我懶@@)
要你睇得咁辛苦,唔好意思丫><"
希望解答到你啦,我相信呢個係每個青少年都會有既煩惱@@

2011-07-13 00:21:20 補充：
第2行漏左個字:我認為所謂既沉迷並"""唔"""係指你究竟花左幾多錢係隻game度

因為你買得,一定係為左某D野想買.
而果D野,,會不斷推出新..
所以買左一次,你敢擔保你唔買第二次?
所以我覺得你最好唔好成日打機,一日最多1-2個鐘