急!!!祈福新村去各大樂園 車程一問!!!!

你好,我岩岩七月十一號去完長隆番黎,希望幫到你~
搭直通巴上去的方法:
我今次同上年去都係搭永東直通巴,貪佢D車新淨,舒服,同埋多班次.我唔肯定將軍澳有冇永東站,但如果你揀油麻地,觀塘個D站上車會多好多班次選擇,來回車程HKD160-200,視乎你係閒日還是假期.搭直通巴一般都要三個鐘至三個半鐘到達祈福,好似我地八點係油麻地開車,十一點就到左祈福,超快!無論係深圳灣口岸還是皇崗過境時間上都差不多.所以搭直通巴,雖然係最耐上去的方法,但算係最平最方便.你去個D景點都係長隆範圍,所以你要注要的係祈福到長隆區門口的車程同方法:
1.可以係直通巴的祈福落車點直接搭10B巴士到達長隆,車程廿分鐘,每位RMB兩蚊.係最平的方法,不過要同大陸人迫,迫到好似沙甸魚咁...
2.簡單直接搭的士,車程十五至二十分鐘,不過可以話你知好難搵到的士,就算搵到都好大機會當你水魚,信唔過...以我為例,我都係一心諗住搭的士...點知好難搵之餘...個司機竟然開價五十蚊...我地做左功課知道跳標只係三十五...
3.更簡單直接的方法,幫襯個度的無牌的士及VAN仔...唔駛你自己搵,基本上你一踏出直通巴就有大量人向你招手...佢地開價更過份...去祈福一程一百...低能...不過你一行十幾人...可以試下講價...的士就一定唔建議,因為你地咁多人起碼要分三四架...
*所以有時間的話巴士比較好...總站到總站好方便,一定識落車!放心!跟住就係長隆各景點:
1.長隆區門口就有長隆的免費穿梭巴士,到各景點車程約五至十五分鐘,班次好密,所以唔駛擔心.
2.亦可以選擇步行,其實唔遠,沿途都有指示,好處係巴士要等,可能最後計番同步行時間差不多,同埋有好多人陪你一齊行...不過大熱天時幾辛苦,穿梭巴又唔駛錢...所以都係穿梭巴士好D~如果你去晒四個景點...三日兩夜比較理想...不過都會幾支力...建議唔好咁貪心...兩日一夜去三個...已經支力鬼死...建議如下:
1. 水上樂園樂園裡面有好多好野食,唔駛擔心三餐.樂園中午十二點至兩點最多人,反而四點後好多旅行團同本地人離開,可以玩得盡情D,所以黃昏時應該最正~咁就要視乎你選擇邊日玩~
2: 動物園可以玩三至五個鐘,一定要坐小火車,可以坐定定睇原野動物,留意小火車尾班車為五點鐘.
3. 歡樂世界還可以,不過我去過一次就夠...都係可以玩三至五個鐘...
4. 馬戲團七點半開SHOW,最好六點去到霸位,六點九過後先到的位置唔太好...盡量坐舞台中間,中後都冇所謂,兩邊的話會睇到好多穿崩...景觀亦冇咁好~我的YAHOO BLOG由詳細遊記,希望以上內容幫到你~可以留言討論行程表~

首先,你係上面所講的野,全部都係長隆度假區入面
唔理去邊好,你都係要先係祈福新村搭車去長隆地鐵站先
去到長隆地鐵站會有免費樂園專車帶你入去樂園的區域
專車班次好密,上左車10分鐘內可以去到下一個景點區

樂園免費專車的路線如下:
长隆地铁站→欢乐世界南门→水上乐园→香江动物园南门→香江动物园北门→香江动物园南门→水上乐园
→长隆酒店→欢乐世界正门（长隆国际大马戏）→迎宾路口（长隆高尔夫）→欢乐世界正门（长隆国际大马戏）
→长隆酒店→香江动物园南门→水上乐园→欢乐世界南门→长隆地铁站

專車班次好頻密,所以唔需要太趕

至於直通車問題,我可以非常肯定咁答你,一定係深圳灣口岸快的
因為過關的人只需要落一次車就ok,而且深圳灣口岸比皇崗口岸沒咁繁忙
行法係:深圳灣口岸-->濱河大道-->廣深高速南頭入口-->虎門大橋
-->南沙大道-->市橋-->祈福新村
咁行係最快

2011-07-12 15:11:31 補充：
以上資訊係如果你自己book旅遊巴,因為我唔清楚你係包團定係成班人自由行
自由行的話,我建議你先搭火車上廣州東站,再轉地鐵3號線
咁樣比起坐直通車足足快左2個鐘時間

所述的景點都在長隆樂園的景區內，祈福打的去長隆樂園入口約 20 分鐘，樂園內有巴士穿梭各景點至地鐵漢溪長隆站。

在祈福新村大門外的巴士站，乘10A公交車去地鐵漢溪長隆站，可轉乘長隆樂園的穿梭巴士去樂園各景點。

榮利直通巴有車由將軍澳去祈福，車程約3小時，班次查詢：2397 0333


長隆樂園各景區分佈圖：
http://www.chimelong.com/service/maps.shtml