我有d野煩 >< 想你地俾下意見,, 關於男朋友

愛一個人而唔係去交易。
個計劃好ge男仔畀到你安穩ge經濟，而你因此同佢一齊。其實咁樣只不過係一種交易。交易之中根本冇愛ge存在。

如果真係愛一人根本唔會介意佢有冇錢。
你果個24歲bf愛你ge話，根本唔會想你同佢捱，自然會去發奮。

如果大家係愛對方ge，任何問題都可以一齊去面對。

另一個男仔講得錯唔哂，結婚又真係唔係愛情飲水飽就夠，好現實地無錢真係好難結婚，或者結左婚之後都係難捱，不過咁唔代表你就因為佢呢番說話而飛你男朋友嘛，既然你都識講自己男友好，咁咪一齊努力囉。如果你男友長期返part time生活都係無問題，無正職有咩所謂，儲到錢就得啦。個男仔話已經計劃好將來d野，但將來係點無人知，佢計劃左可能第時都唔係同你結婚架。其實我覺得你同男友唔算見得少啦，如果大家唔係住同區，一星期一次好平常掛，何況日日都有傾電話，淡左真係因為少見定係覺得佢沒趣？

我 bf 對我好好,係出名既好男仔 ...
我覺得無咩理由要分開,,其實都算緊張我,但見得少

就憑你呢句就係呢篇文章既答案!~
佢對你好就得啦!
好男人唔係到到都有嫁!~
如果你唔識珍惜到時就後悔莫及喇!

但果個男仔係 ok 的, 佢講d野又令我諗下自己第時係點 ...

個男仔ok?
但係你有冇唸過自己中5中2佢先!~
唔通你就咁拋棄你男友?!
個男仔話你唔識唸
可能係慫恿緊你!
佢想你同佢一齊緊係乜都講得出啦!
目的係要令你心郁郁!
如果你同哥個男仔一齊之後佢又對你唔好呢?
咁你想溫返你呢家個男朋友都難喇!

我同佢有小小淡 ~

佢仲緊張你啊ma!
約多d佢出街喇~見多d面

其實兩個都有問題. 但我覺得第二個仲差. 妳要自己去分析清楚.
a) 第一個男友. 妳地有冇認真想過,為何少見面呢? 佢為何只做part time?如果是找不到長工而做part time, 我覺得冇問題喎, 起馬佢都肯做. 如果個個要有正職先結婚, 咁現在的香港, 有好多人唔使結婚嘞. 妳同佢相處一年有多, 佢有個優點起馬對妳好又緊張妳啦. 依家香港有幾多人唔係兩夫婦一齊捱呀. 最緊要大家一起生活的開心. (心足就OK)
b) 第二個男友. 我個人覺得佢係以個人優勢而中傷妳第一個男友. (妳應該係佢面前講咗好多妳地啲嘢俾佢知). 令佢可以乘虛而入. 仲有妳識佢幾耐呢, 佢人品點呢. 通常做嘢咁有計劃啲人, 都好有機心, 可能仲有控制慾. 到佢知道妳飛咗第一個男友而同佢一齊, 佢有可能事事控制妳, 要妳跟佢指示做, 到時妳就咸都無謂. 仲有人無千日好, 就算佢現在有正職, 難保將來不會有問題, 到時對妳會點呢? 我個人議見, 妳應該與第一個男友, 大家說清楚將來如何. 第二個妳就唔好考慮啦. (可能我係唔中意係背後中傷人(俗稱篤背脊)啲人嚟). 妳不如識過第三個啦.