點解每次訓醒都會突然失去晒安全感..(關戀愛事嗎??)

由細到大我都好無安全感, 但唔知幾時開始, 每次訓醒就更強烈, 會突然無晒安全感, 無論我係開開心心咁訓著..無發惡夢..起身都會無晒安全感, 仲有種不安感..失落感..唔知係咪從係我發現之前拍拖4年既男友變心之後增強左呢個感覺....@@"

每次訓醒, 我都會不安, 跟住自己冷靜, 或上下網睇下野, 清醒返少少先可以平伏返個種不安感..係有份好需要人陪個種感覺, 好想自己重視既人可以即刻出現係我面前, 或者知道佢趕返黎, 即係有個人重視我...或者只係打個電話我已經可以開心返。

我係好需要一種心靈上既依靠, 自從4年男友變左之後, 我就對人更加無信心..個人變得更無安全感..亂諗野就繼續亂諗...不過有時會比我諗通...@@" 我一向都想男朋友比到一份肯定感同安全感我..之前4年男友未變心前真係比我十足安全感..但結果都是分手呢...~

我諗唔多唔少都影響我日後拍拖既心態, 因為拍得拖多真係會比較的, 最近都同拍左十個月拖既現任男友相處上有問題, 兩個人諗法好唔同, 半年黎都成日反反覆覆搞到唔開心, 係我自己無安全感同唔信佢...佢都話點解我成日唔信佢...所以我想冷靜下..而家又會因為訓醒好無安全感好想搵佢, 但我知道要冷靜D..因為衝動解決唔到問題....

我就想大家幫分析下, 點解我會咁無安全感, (因為我係魔羯座..天生有孤獨感??.........)除左呢樣呢?..我都唔知點解...我怕自己愈黎愈唔信任人...Thank you!!謝謝你睇晒哦...