McNamara一問

樓主呢個問題非常好。樓主問既應該係甘迺迪總統任內既名相羅拔．麥藍馬拉(Robert McNamara)。此君係兩朝元老，位極人臣，係甘迺迪(John Kennedy)及詹森(Lyndon Johnson)總統既國防部長。

我經常覺得佢係美國橋王，比成日出書吹水既基辛格(Henry Kissinger)有料得多。佢最有遠見既係佢堅持反對與蘇聯無限制升級對抗。當年雙方都部署大量洲際彈道飛彈，有人建議美國應該全力研制反彈道飛彈系統，麥藍馬拉全力反對並認為令世界保持和平既最好方法就係堅持雙方保証摧毀既核嚇阻政策。佢認為如果美蘇兩國都全力部署反彈道飛彈系統，咁只會令雙方既軍備競賽加速至無法控制，雙方保証摧毀反而令大家有所顧忌而唔敢開戰，而且美國係1960年代亦無足夠科技能力部署有效既反彈道飛彈系統。呢個係天下間大膽既決定！因為佢一個人既決定就要整個西方世界時刻接受蘇聯既核威脅達幾十年之久。不過後來事情既發展証實佢係啱既，全世界雖然冷戰左幾十年，但雙方大致保持和平，最後亦和解收場。

後來佢無做國防部長之去做左世界銀行總裁，並於2009年以93歲高齡辭世。

相關維基網站﹕

http://en.wikipedia.org/wiki/Robert_McNamara