被屈衰11的話會唔會都好易輸??

衰11同口交係兩條罪, 即係刑事罪行條例第 124條 – “與年齡在16歲以下的女童性交”; 及刑事罪行條例第 146條– “向年齡在16歲以下的兒童作出猥褻行為”. 兩條都係容易被起訴, 但好難打甩嘅罪行. 性交嘅法律定義係男子將陰莖插入女子陰道, 些微嘅插入己經足夠, 插入幾深或有無射精並不重要. 所以就算醫學報告說個女仔仲係處女, 都唔代表無性交過. 而口交就更加無証據証明有定無, 只係單憑個女仔口供值唔值得法官個信. 而且, 單單案性質不同, 無可能話贏嘅機會大唔大, 更無任何方法可以令個官信個男仔. 有嘅話我做咗全港最紅大狀啦! 其實, 個官信唔信個男仔並唔重要, 因為舉証責任在控方, 控方要在毫無合理疑點下証明被告有罪, 被告係唔需要証明自已無做嘅. 換句話說, 就算個官唔相信個男仔都唔重要, 佢要信個女仔真係有俾個男仔搞先至可以判個男仔有罪. 如果個男仔無做過, 就根本無乜好驚. 因為法官、律師、警察做咗咁耐人, 全部都係人生經驗豐富, 加上各自嘅專業經驗, 一個15歲女仔如果講大話, 係無可能唔穿煲嘅. 但話分兩頭講, 上法庭 /法律程序 (落口供、驗身、出庭作証)對一個15歲女仔嚟講, 絕對係幾不愉快、甚至恐佈嘅經驗. 加上要面對父母 (15歲女仔落口供、上法庭一定有父母在場),如果無發生, 點解要屈個男仔先?!?至於會點判, 你講得咁少, 好難話你知喎. 例如雙方係乜嘢關係 (交往中嘅男女朋友一定輕過係msn識、約出嚟就搞),事情點發生 (個男仔有無威脅個女仔…),都會影響法官判刑. 你真係想知, 就要俾多d料啦.

2011-07-11 13:48:03 補充：
一啲都唔驚, 完全冇唔開心表情, 唔代表佢作嘢喎. 舉例說, 有啲人飲醉酒會瞓覺、有啲人會大吵大鬧、有啲人會若無其事, 安安靜靜…
照道理, 個女仔唔會因為個男唔鍾意佢及有女朋友就誣告佢嘅. 你仍無講案情, 我點幫你?
個人意見, 男補習老師一早就唔應該同女學生約會, 更加唔應該獨處…

2011-07-12 08:17:04 補充：
我明屈點解. 我都話咗如果個女仔講大話, 一定穿.

如果係冇做過既就係屈啦.. 你其實明唔明「屈」呢個字點解架. -.-
男女關係情感唔係重點, 重點係個男仔冇犯法. 而家佢係俾人屈佢犯法.
呢個世界, 始終都覺得女仔講既野一定係真.. 覺得佢冇理由去屈一個人, 事出必有因. 係咪??
15歲, 女仔, 都可以好有機心.

１５歲衰梗啦；冇屈你喎～～～～～～～