急想知道呢...關於企圖盜竊的...

[匿名]

2011-07-09 6:41 am

我個朋友衰企圖盜竊...但實情係咁既..佢初時同經理講佢打錯左單...但係個經理唔信...重話"你不如講真話了...或者我會考慮唔報警..."佢為左滿足經理所以講佢想偷野...點知佢報左警...警察黎到...佢又係為左滿足呢個經理就話佢貪心想偷...結果依家俾人告企圖盜竊...
我想知...上到庭同番法官講佢根本無諗過想偷...佢只係打錯左單...佢無諗過係咁大件事...咁重可唔可以打甩??因為佢依家認罪就有案底架了...

回答 (1)

用戶2684

2011-07-09 11:17 pm

✔ 最佳答案

未報警, 都話息事寧人, 求其認咗, 博佢唔搞大件事啫.
都報咗警啦, 重需要滿足經理??!! 喂! 盜竊罪, 有可能要坐監同埋留案底噃! 無做就一定打死都唔認啦! 點可能話 "...為左滿足個經理就話貪心想偷..." 呀? 有警察在場, 一認就肯定拉人落 charge, 呢d係common sense, 無可能唔知嘩? 乜佢以為認咗、滿足咗個經理, 警察就唔拉人? 唔係咁天真嘩?!
無得打啦! 喺個經理面前認咗, 到警察嚟又喺警察面前再認多次, 完全敲釘轉腳, 上到庭先話 "...無諗過係咁大件事...只係打錯單...", 你係個官, 你信唔信呢? 個官會睇到差人無屈打成招, 經理又無必要屈佢. 佢真係打錯單, 點解唔解釋, 而要認貪心想偷呢?
無得打...

參考: Veni - Vidi - Vici

👍 0 👎 0