成日都好快厭倦一段愛情...

每個人都會有幾個缺點 冇人係完美
如果因為對方既缺點令你厭倦
一係你唔夠愛佢
如果真係好愛一個人 你係可以包容到佢既缺點
一係就係呢個人唔適合你 你冇好好係之前了解清楚

我知道你係真心愛一個人 但係個個拍拖都係愛對方先 好基本
你鍾意一個人 唔應該好快就同佢一齊
應該要相處一排 要了解佢既性格 係咪真係適合你
亦都要俾時間自己去諗 有幾愛佢

好快厭倦 只能話你唔認真
你冇了解清楚對方 而且你係唔夠愛佢
如果你想維持得好 請在拍拖前三思
唔好浪費對方既愛同認真

拍拖果陣唔好下下咁易放棄 厭可以再有返感覺
同對方有不滿應該坦誠咁傾
而且兩方有返小小空間 可以少D磨擦
唔好咩都係開頭做曬 一開始去得太盡既話
一過左新鮮期就會好快厭

每個人都會有異性朋友
不過成日一齊玩真係唔好
你適合搵一個比較少異性朋友既人 靜D果種?
同埋你自己拍拖之後 都唔好同其他異性玩得好埋啦

ps 建議你短期內唔好拍拖住 諗清楚先再搵

好多人都攪唔清楚愛情。佢地好多時都只係有一種想有一個男朋友/女朋友ge渴望。但呢種想有lover的渴望永遠都唔係真正的愛。我想有男朋友，而你想有女朋友，所以我地拍拖(這不過是在满足欲望，一種交易而已)虛偽的愛情唔會有快樂ge存在(咁亦係點解閣下成日都好快厭倦一段愛情，拍左好多次拖，次次散的原因)

只要個個夠靚,我又好容易動情
人ge眼喜歡睇靚ge野係無可口非的。就好似睇到一d靚ge花，你會想擁有佢。愛係同一個人相處，而唔係同一張美麗ge面容相處，否則只係一個白痴。你必須要懂得合埋眼去感受。

會有一見鍾情ge愛情嗎?冇了解過一個人，見左幾眼就話自己鍾意人家，其實只係因為佢生得靚女姐。你會對一個醜女一見鍾情嗎?因為佢靚女，所以我先會去接近佢、愛佢。呢種有條件的愛根本唔係真正的愛情。

鍾意一個人唔須要拋出一大堆條件、理由(真正ge愛根本不會去介意她/他的缺點)。我發現我愛上佢，我去愛佢，而佢愛我如此，我地都在愛一個人，這亦是真摰ge愛情，亦係長久而永恆ge原因。亦唯有真摰ge愛情先會有快樂存在。

希望幫到你:)如有唔明，歡迎發問，我會盡力幫幫你:)thx

點樣可以拍拖耐d?如何維持?

1) 要夠定力 : 個女仔靘吾=佢系好女仔

2) 要講出你對女友有咩不滿吾好收埋系個心到

= 大家要多溝通

3) 吾好只睇對方缺點 , 要多睇佢優點
因你自己都有缺點

4) 吾好對個個女友都用同一個方式去愛去做 :

有 d 女仔鐘意你介紹你朋友比佢識 :
多人一齊活動, 吾系只系拍拖

5) 吾好成日見面 , 日日對住都會悶 ( 比空間大家 )
更要耐吾中花心思逗佢開心

你太花心 lo~~~~~~~~~~~~~€€

首先.見你話"只要個個夠靚,你好容易動情",呢D根本就唔係..愛對方.
如果你見到對方好多缺點就唔中意,就想散..咁樣正明你根本唔係中意佢.
中意一個人係會包容曬佢所有缺點..
點解你咁快散..主要原因係你唔係真正愛個個人..因為當你愛上一個人..即使佢點對你..你都會好快原諒佢..而且可以無條件為佢付出/等...更重要既係唔會見到佢有缺點就想散..情人之間鬧交其實係好好好正常既事..因為一定有D野大家係唔合意見..

你話你對段段感情都好認真..我覺得你應該係對個個男仔"有好感/中意"而未到愛..你D FD同佢地男友可以一齊咁耐因為大家都接受對方所有優點缺點.希望同對方一生一世..唔會咁易想散.