加拿大留學(大學)準備,女生買咩袋好?

恭喜妳可以到加拿大讀大學, 唔可以提議妳買乜嘢袋, 帶乜嘢, 但可以同妳講嘅加拿大, 尤其係多倫多嘅情況. 其實嚟多倫多無需响香港帶太多嘢過嚟, 只需帶啲平時用開嘅衣物; 足夠短時間用. 更加唔主張妳响香港買雪褸, 雪鞋之類, 更加唔好帶棉襖過嚟, 呢類嘢最好响多倫多買, 價錢比香港平, 品質更加合用. 有樣嘢要知道; 加拿大人比較樸素, 乜嘢香港名牌唔名牌; 响呢度冇人care, 最緊要實用. 唯一我提議要帶嘅就係錢, 呢度乜嘢都有得賣, 而且比香港平, 咁辛苦帶嚟做乜. 舉例: 學生電飯煲加幣10蚊一個.

2011-07-13 01:06:24 補充：
呢度買嘢唔會妳 parents 相像中咁貴, 其實呢度嘅生活水準比香港低, 唔係因為加拿大落後, 係因為加拿大嘅租金比香港平得多, 所以同一件貨品; 响加拿大買都可能平啲.

買乜嘢袋視乎妳喜好, 當然入U最好就唔好買揹個 Hello Kitty 袋啦, 妳最好就係帶個妳用開嘅袋嚟, 嚟到之後可以再買多一個, 睇吓週圍同學用乜袋都未遲. 好多人都係揹個裝laptop嘅袋然後就用手攬住的書.

2011-07-13 01:07:15 補充：
八卦吓, 妳入邊間U呀? UT? York? Ryerson U?