有關聯名物業支票抬頭問題???

你首先要搞清楚, 聯名物業嘅業主們, 唔一定有聯名銀行戶口. 所以要按以下情況辦事:1. 業主們(唔理1個定5個) 有聯名銀行戶口: 咁支票可寫其中一個業主名.聯名銀行戶口入面嘅銀係無分嘅、撈亂嘅, 即係入面嘅錢係屬戶口持有人共同擁有, 無說$1000入面有$700係A嘅, $300係B嘅. 舉個例 - 5個人聯名銀行戶口,入咗一張抬頭寫陳大文嘅支票, 就代表入咗俾陳大文、陳小文、陳中文、陳巨文、陳細文5個人. 所以支票只需寫其中一個業主名, 其他聯名業主唔可以話收唔到錢, 亦不需要任何授權書.2. 聯名物業嘅業主們如果無聯名銀行戶口: 咁就只可寫票俾其中一人. 點解? 因為銀行根本唔會收張抬頭唔啱嘅票. 舉個例 - 一張抬頭寫 “陳大文 / 陳小文” 、“陳大文及陳小文” 、 “陳大文 and 陳小文” 嘅票, 係入唔到陳大文嘅單人銀行戶口嘅. 喺呢個情況下, 為咗保障買家, 就需要有陳小文嘅授權書, 授權及確認陳大文係代表陳小文處理呢單物業買賣及代陳小文收取訂金.授權書內容非常簡單, 你間行應該有dstandard嘅 form. 如果無可email 我, 我俾份你.

2011-07-11 13:32:54 補充：
可以. 但係業主會否因一個交易而專登幾個人操去開個聯名a/c呢?
倒不如stakehold係狀樓啦.

只寫其中一人，ok，但另外4人要簽多一份野，授權一人代領！