系英國讀中學既問題...(20!!認真)

halo, 我係英國讀緊書, 希望幫到你丫=]

1) 但係我聼人講 係英國讀左幾個月就可以習慣到 但我都係冇乜信心...我想知道個到既課程係易定難?我可唔可以理解到?

>> 係既, 講真丫, 你諗諗, 呢個係一個好好既機會俾你真係用英文, 如果你而家唔學好佢, 唔通真係到左入大學先黎後悔嗎? 我f.4 就過左英國了, 學左好多野, 講英文都大膽左, 唔怕做present. 而個course 呢, 如果係gcse 既話, maths, science 果d 對你黎講應該係ok 既 (provided 你真係有溫書), 咁因為係英國都有好多free time, 所以你可以用呢一d 時候去讀好英文佢既, 英國唔同hk, 冇咁多entertaining 既野, 冇唱k, 學校有d 離town 好遠, 又shopping 唔到, 所以, 係一個好好既機會

2) 有人話 一開始係英國讀書會好辛苦 要係咁查字典先可以明白佢地講咩但係過左一排就可以慢慢習慣,,係吾係真咖?

>> 係, 一去到, 我係有買電子dictionary 去既, 初時真係覺得幾樣衰, 但但睇睇下, 學學下, 就唔駛再用了, 識左好多字, 用左一年就冇再用了, 同埋佢地既用字, 唔係真係你諗既咁難, 有時可以因為佢地真係英國人, 所以你先會有個心理關口要過, 但係而家想番起, 佢地真係唔係講緊火星文既...

3) 我d發音唔會好似佢地咁好 我驚去到會俾人排斥啊

>> 有幾個情況佢地會bul 你. 一係你名牌上身, 又串咀. 二係你可能扮到英文好叻咁, 咁佢地都會唔想同你講野既, 英國人有樣睇既, 有一d 真係會好用心去讀書, 同佢地玩就冇問題了, 佢地都知道你係外國人, 唔會因為你講英文講得唔好而咁樣樣bully 你的.

4) 同埋 個到既人會唔會主動同我地香港人做朋友咖?

>> 好直接地同你講, 唔會. 即係, 諗諗, 如果你hk 班上黎左個中國人, 你會唔會特登走埋去同佢講野?! 英國人好多時都係同自己人玩開玩熟, 佢地又唔知你係咩性格, 點會咁唐突去同你講野呢|? 所以最好係自己主動d, 因為話哂你都係插班生, 英國學生自己都識左幾年啦, 所以佢地都會偏向同番自己人玩先既, 但佢地亦唔會介意有人加入.

5) 佢地會唔會厭我地唔識英文?個到有冇d可以幫到香港學生既學會/人?

>> 唔會, 佢地真係好好人既. 不過講真丫, 如果你入得boarding house, 好多時都係會同番果間學校既hk人, 好少會同英國人玩架啦, 因為心理始終都係覺得hk人同聲同氣-_-" 識唔識到英國人朋友, 就要靠你自己了.

6) 我怕同佢地冇共同話題 而俾人忽略左 我會唔會一直都識唔到朋友咖?

>> 唔會, hk人, 你一定會識到, 因為係同boarding house, 而英國人, 你最好睇多d 電視, 英國既tv, 咁同佢地可以講下明星, 講下衣著, 亦唔駛太過刻意, 因為咁反而會變得做作.

7) 我仲想知道英國既教育制度同香港有冇唔同?

>> 英國system 係跟hk 舊制, 即係7年中學, f.5 同f.7 考會考同高考, 3年大學, 讀完係學士, 讀多一年變碩士

希望幫到你丫, 有d咩可以再email我的=]

同時亦歡迎上我既blog 睇下我分享既英國讀書經驗:]

我覺得你有少少過份擔心,其實都已成定局,你係呢一年要好好利用,例如:讀好D英文,讀多D課外書... ...

Q&A part:
Q:我想知道個到既課程係易定難?我可唔可以理解到?
A:其實要睇下你choose咩學校,如果擔心自己理解唔到,可以同父母講一講,choose 一D level 同你差唔多的學校.

Q:有人話 一開始係英國讀書會好辛苦 要係咁查字典先可以明白佢地講咩
但係過左一排就可以慢慢習慣,,係吾係真咖?
A:係真咖,一開始上堂同做功課都一定要查字典(有d人好叻就唔同),但係大約3個月到就可以基本明白.

Q:我d發音唔會好似佢地咁好 我驚去到會俾人排斥啊
但係人地都話英國既學生好nice 我先放心小小...
同埋 個到既人會唔會主動同我地香港人做朋友咖?
A:大部份英國既學生都好nice ,不過你要主動一d同人地做朋友.

如果你頌係擔心適應唔到可以轉去讀國際學校同上多d課程.

希望可以幫到你>*<

2011-07-07 15:25:24 補充：
英國既教育制度同香港舊制唔多(3-4-3),但係我想講英國私校比公校好